НИШАСТИ МАТБУОТӢ. Принсипҳои асосии фаъолияти Комиссияи олии аттестатсионӣ риояи қонуният, воқеъбинӣ, шаффофият ва беғаразӣ мебошанд
ДУШАНБЕ, 09.08.2023. /АМИТ «Ховар»/. Раиси Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» Абдулҳаким Розиқзода дар нишасти матбуотӣ оид ба натиҷаҳои фаъолият дар шаш моҳи соли равон, ки субҳи имрӯз баргузор гардид, аз он изҳори нигаронӣ намуд, ки шумораи унвонҷӯёну довталабон дар бахшҳои геология ва металлургия хеле кам аст, ҳол он ки 93 фоизи Тоҷикистонро кӯҳсори пур аз ганҷу металлҳои қиматбаҳо ташкил медиҳад, ҳамчунин дар назди Донишгоҳи миллии Тоҷикистон факултаи геология ва дар вилояти Суғд Донишкадаи кӯҳию металлургии Тоҷикистон фаъолият доранд.
А. Розиқзода дар идомаи мавзуъ иттилоъ дод, ки Шурои диссертатсионӣ дар самти илми геология дар назди Донишгоҳи миллии Тоҷикистон давоми як соли фаъолияти худ натавонист як кори илмӣ (диссертатсия) барои ҳимоя пешниҳод намояд. Роҳбарият ва кормандони Комиссияи олии аттестатсионӣ оид ба мавзуи мазкур тадбирҳои мушаххасро амалӣ намуда, барои бартараф сохтани мушкилот аз ҳамаи имконият истифода хоҳанд бурд.
Давоми шаш моҳи соли равон аз ҷониби Комиссияи олии аттестатсионии назди Президенти Ҷумҳурии Тоҷикистон 470 диссертатсияҳо баррасӣ шуданд, ки аз ин шумора 255 диссертатсия тасдиқ ва 30 диссертатсия рад шуда, 185 кори илмӣ мавриди омӯзиш қарор дорад. Сабаби рад шудани диссертатсияҳоро А. Розиқзода ҷой доштани сирқат дар баъзе корҳои илмӣ шарҳ дод: «Комиссияи олии аттесатсионӣ дорои барномаи соҳавии муосир мебошад, ки аслияти кори илмиро ташхис ва муайян мекунад. Аслияти диссертатсияҳое, ки барои ҳимоя пешниҳод мешаванд, бояд зиёда аз 75 фоизро ташкил диҳад».
Иттилоъ дода шуд, ки давоми нимсолаи аввал ба 90 нафар унвони илмии «дотсент» ва ба 7 нафар унвони илмии «профессор» дода шудааст.
Бояд гуфт, ки дар давраи ҳисоботӣ бо қарорҳои Комиссияи олии аттестатсионӣ ба ҳайати Шурои экспертӣ дар самти илмҳои Забоншиносӣ, адабиётшиносӣ, рӯзноманигорӣ ва тарҷумонӣ; Таърих, мардумшиносӣ ва бостоншиносӣ; Санъат ва варзиш тағйиру иловаҳои зарурӣ ворид гардида, ин раванд минбаъд низ идома дода мешавад.
Таъкид шуд, ки принсипҳои асосии фаъолияти Комиссияи олии аттесатсионӣ риояи қонуният, воқеъбинӣ, шаффофият ва беғаразӣ буда, ба парвандаҳои аттестатсионӣ ва диссертатсияҳои пешниҳодшуда воқеъбинона ва ба таври илмӣ баҳо гузошта мешавад.
Акрам САНГЗОДА,
АМИТ «Ховар»
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
Имрӯз дар Тоҷикистон беш аз 240 ҳазор кӯдакон ба синфи якум рафтанд
Аз 1 сентябр донишҷӯёни тоҷик дар Русия метавонанд ҷойи зисти худро тавассути барномаи мобилии «Амина» ба қайд гиранд
Президенти Тоҷикистон: «Падару модарон ба тарбияи фарзандон бояд бо масъулияти баланд муносибат намоянд»
Пешвои миллат дастур доданд, ки сифат ва муҳтавои китобҳои насли нав беҳтар карда шавад
Президенти Тоҷикистон: «Зарур аст дар байни ҷавонону наврасон фарҳанги истифодаи шабакаи интернет баланд бардошта шавад»
Кормандони Мақомоти иҷроияи ҳокимияти давлатии ноҳияи Ёвон суханронии Президенти Тоҷикистонро дастҷамъона тамошо намуданд
Пешвои миллат: «Ба мо, пеш аз ҳама, мутахассис зарур аст, на ҷавоне, ки танҳо соҳиби диплом аст»
МАКТАБУ МАОРИФ — ВАСИЛАИ ҲИФЗУ ТАҲКИМИ СУЛҲУ ОРОМӢ ВА СУБОТИ СИЁСӢ. Иқтибосҳо аз суханрониҳои Пешвои миллат бахшида ба Рӯзи дониш
Эмомалӣ Раҳмон: «29 ҳазор хатмкардагони муассисаҳои таҳсилоти миёнаи умумӣ бо квотаи президентӣ ба таҳсил фаро гирифта шуданд»
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
