«ОГОҲИИ БАРМАҲАЛ БАРОИ ҲАМА». Дар Душанбе бо мақсади коҳиши хатари офатҳои табиӣ ҳамоиш доир шуд
ДУШАНБЕ, 29.08.2023. /АМИТ «Ховар»/. Имрӯз дар шаҳри Душанбе таҳти раёсати муовини Сарвазири Ҷумҳурии Тоҷикистон Сулаймон Зиёзода ҳамоиши дурӯза таҳти унвони «Огоҳии бармаҳал барои ҳама» (EW4All), оғоз шуд. Дар ин хусус ба АМИТ «Ховар» дар Кумитаи ҳолатҳои фавқулода ва мудофиаи гражданӣ хабар доданд.
Дар ҷаласа роҳбарону намояндагони як қатор вазорату идораҳои мамлакат, ниҳодҳои СММ ва дигар ташкилоту созмонҳои минтақавӣ ва байналмилалӣ иштирок намуданд.
Муовини Сарвазири Ҷумҳурии Тоҷикистон Сулаймон Зиёзода дар ҷаласа аҳамияти ин ташаббусро таъкид намуда, изҳор дошт, ки ҳукумати Тоҷикистон ба мутобиқшавӣ ба тағйирёбии иқлим ва коҳиши хатари офатҳои табиӣ аҳамияти хосса дода, даъвати Дабири кулли Созмони Милали Муттаҳидро оид ба масъалаҳои марбут ба рушди иқлим дастгирӣ менамояд.
Ҳамоҳангсози доимии Созмони Милали Муттаҳид Парвати Рамасвамӣ иброз дошт, ки ифтитоҳи ташаббуси «Огоҳии бармаҳал барои ҳама» қадами муҳим барои ҳифзи ҳаёти шаҳрвандони Тоҷикистон ва ҳифзи воситаҳои зиндагии онҳо дар баробари тағйири иқлим ва хатарҳо мебошад. «Барои таҳким ва нигоҳ доштани хадамоти огоҳсозии бармаҳал дар мамлакат равиши ҳамгирошудаи иҷтимоӣ бо ҷалби тамоми ҷонибҳои манфиатдор, аз ҷумла ҷомеаи шаҳрвандӣ ва бахши хусусӣ муҳим хоҳад буд»,- гуфт ӯ.
Дар ҷаласа шарҳи тағйирёбии иқлим, вазъи пайдоиши хатари офатҳои табиӣ, системаҳои огоҳсозии бармаҳал ва ҷалби ҷонибҳои манфиатдор дар Тоҷикистон дар ҳалли ин мушкилотро пешниҳод гардид.
Инчунин дар бораи Лоиҳаи миллӣ оид ба идоракунии хатари офатҳои табиӣ – Ташаббуси коҳиш додани хатари офатҳои табиӣ, идоракунии хатари иқлим дар Осиёи Марказӣ маълумот шунида шуд.
Ташаббуси «Огоҳии бармаҳал барои ҳама» соли 2022 аз ҷониби Дабири кулли СММ Антониу Гутерриш оғоз шудааст. Тақрибан сеяки аҳолии ҷаҳон то ҳол бо низоми огоҳкунии пешакӣ фаро гирифта нашудаанд.
Конфронси СММ оид ба тағйирёбии иқлим (COP27), ки моҳи ноябри соли 2022 дар Миср баргузор шуд, нақшаи амали «EW4All»-ро қабул намуд. Он сармоягузории бештарро ба омӯзиши хатари офатҳои табиӣ, мушоҳида ва пешгӯӣ, омодагӣ ва вокунишу огоҳии фаврӣ ба ҷамъиятҳои осебпазир равона намуда, ба ин самт диққати махсус медиҳад.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
