Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Раиси шаҳри Ҳанҷоуи Ҷумҳурии Мардумии Чин муҳтарам Яо Гаоюан мулоқот намуданд
ДУШАНБЕ, 23.08.2023 /АМИТ «Ховар»/. 23 август дар идомаи сафари расмӣ ба Ҷумҳурии Мардумии Чин Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар шаҳри Ханҷоу бо Раиси шаҳри Ханҷоу муҳтарам Яо Гаоюан мулоқот анҷом доданд.
Дар оғози суҳбат муҳтарам Рустами Эмомалӣ ба Раиси шаҳри Ханҷоу барои истиқболу меҳмоннавозӣ миннатдорӣ баён намуданд.
Муҳтарам Рустами Эмомалӣ таъкид доштанд, ки муносибатҳои дӯстӣ ва ҳамкорӣ бо ҳамсояи наздики Ҷумҳурии Тоҷикистон — Чин аз афзалияти муҳими сиёсати хориҷии Тоҷикистон маҳсуб мешавад.
Мояи қаноатмандӣ аст, ки ҳамкории ду давлат дар тамоми самтҳо пайваста рушд ва ба сатҳи сифатан нав расида, муколамаи мунтазами сиёсии эътимодбахш дар сатҳҳои олӣ ва баланд ба роҳ монда шудааст, ки фарогири тамоми доираи муносибатҳои Тоҷикистон ва Чин мебошад.
Ҷонибҳо зимни мулоқот вазъи феълӣ ва дурнамои муносибатҳои ҳамкории байниминтақаивро бо дарназардошти имконияти мавҷудаи рушд дар бахшҳои гуногун муҳокима намуданд.
Зимни мулоқот ҷонибҳо ба масъалаҳои таҳкими ҳамкории байни Душанбе ва Ханҷоу изҳори ҳавасмандӣ намуда, ба тавсеаи робитаҳо дар бахшҳои илм ва омодасозии кадрҳои илмӣ, инноватсия ва технологияҳо, нақлиёту мошинсозӣ, дорусозӣ ва нафту кимиё диққати махсус доданд.
Пас аз анҷоми мулоқоти Раиси шаҳри Душанбе муҳтарам Рустами Эмомалӣ дар шаҳри Ханҷоу бо Раиси шаҳри Ханҷоу байни Мақомоти иҷроияи ҳокимияти давлатии шаҳри Душанбеи Ҷумҳурии Тоҷикистон ва маъмурияти шаҳри Ханҷоуи Ҷумҳурии Мардумии Чин Ёддошти тафоҳум оид ба ҳамкории тиҷоратию иқтисодӣ ва фарҳангӣ ба имзо расид.
Ҷаласаи Шурои коршиносию машваратии назди Шурои Ассамблеяи парламентии СААД баргузор гардид
Намояндагони парлумонҳои Осиёи Марказӣ масъалаҳои таъмини амнияти об, иқлим ва ҳифзи муҳити зистро баррасӣ карданд
Дар доираи Форуми чоруми байнипарлумонӣ ҷаласаи «Ҳамгироии иқтисодӣ, рушди устувор ва тавсеаи шарикии минтақавӣ» баргузор гардид
Рустами Эмомалӣ бо Раиси Курултайи Ҷумҳурии Қазоқистон Айбек Дадебай мулоқот намуданд
Дар Тоҷикистон Форуми чоруми байнипарламентии давлатҳои Осиёи Марказӣ баргузор гардид
Имрӯз дар Душанбе Форуми чоруми байнипарламентии давлатҳои Осиёи Марказӣ баргузор мешавад
Роҳбарони парламентҳои давлатҳои Осиёи Марказӣ бо шоҳкориҳои Театри миллии Тоҷикистон шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Туркманистон Дунягозел Гулманова мулоқот намуданд
Файзалӣ Идизода бо Раиси Маҷлиси Туркманистон Дунёгузел Гулманова вохӯрӣ намуд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Пешниҳодҳои Тоҷикистон дар ҷаласаи Комиссияи доимии Ассамблеяи байнипарламентии давлатҳои иштирокдори ИДМ дастгирӣ ёфтанд
Вакили Маҷлиси намояндагон дар ҷаласаи Комиссияи доимии Ассамблеяи байнипарлумонии давлатҳои ИДМ иштирок намуд
