АНИСИ КУНҶИ ТАНҲОӢ КИТОБ АСТ. Дар Истаравшан маҳфили адабӣ-мусиқӣ баргузор шуд
СУҒД, 06.09.2023 /АМИТ «Ховар»/. 4 сентябр дар Муассисаи давлатии таълимии Коллеҷи ҷумҳуриявии ҳунарҳои мардумии шаҳри Истаравшан таҳти унвони «Аниси кунҷи танҳоӣ китоб аст» маҳфили адабӣ-мусиқӣ баргузор гардид, хабар доданд ба мухбири минтақавии АМИТ «Ховар» Саъдулло Маҳкам дар Коллеҷи ҳунарҳои мардумии шаҳри Истаравшан.
Дар маҳфили адабӣ муовини Раиси шаҳри Истаравшан, вакили мардумӣ, ғолибони озмуни ҷумҳуриявии «Фурӯғи субҳи донои китоб аст», омӯзгорони гимназияи №5, намояндагони бахши фарҳанг ва китобхонаи шаҳрии Истаравшан иштирок намуданд.
Зимни маҳфили мазкур иброз гардид, ки китоб манбаи илму дониш, сарчашмаи дарёи ақл, махзани фарҳанги миллӣ, пояи тамаддуни ҷаҳони мутамаддин, хосса оинаи ҳаёт ва калиди дари ганҷи сухан аст. Бо ҳамин далел шоири бузурги форсу тоҷик Абдураҳмони Ҷомӣ китобро чун «фуpӯғи субҳи доноӣ» ба қалам додааст. Инсон метавонад ба воситаи китоб бо адабиёту фарҳанг, сиёсат, иқтисодиёти мамлакатҳои зиёде шинос гашта, оламро бо тайёраи андеша сайр намояд.
Имрӯз толибилмон бояд бисёр китоб хонанд, илму маърифат омӯзанд, то дар оянда инсони асил бошанд, зеро китоб чун ганҷи бебаҳо инсонро ба роҳи росту хиради воло раҳнамун месозад.
Китоб бузургтарин неруе аст, ки мардумро сарфи назар аз нажод, миллат, забон, ақидаву дину оин ба ҳам меорад, дар миёни халқҳо дӯстиву рафоқату робитаҳои корӣ эҷод менамояд. Китоб рисолати муттаҳидгардонии халқҳо, муаррифсозии мамлакатҳо ва эҷоди якдиливу ҳамбастагиро доро аст.
АКС: Коллеҷи ҳунарҳои мардумии шаҳри Истаравшан
Дар Осорхонаи миллии Тоҷикистон беш аз 800 бозёфти нодири таърихӣ ба намоиш гузошта шудааст
РӮЗИ БУЗУРГДОШТИ САЪДИИ ШЕРОЗӢ. Осори безаволи шоир дар тарбияи ахлоқӣ ва маънавии ҷомеа нақши муҳим дорад
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
