Бахшида ба Рӯзи Мавлоно дар ноҳияи Ҷалолиддини Балхӣ ҳамоиши бошукуҳ баргузор шуд
ДУШАНБЕ, 28.09.2023 /АМИТ «Ховар»/. Имрӯз бахшида ба Рӯзи Мавлоно ва Озмуни ҷумҳуриявии «Маснавихонӣ» дар ноҳияи Ҷалолиддини Балхӣ бо иштироки адабиётшиносон ва мавлавипажуҳон ҳамоиши бошукуҳ баргузор гардид. Дар ин хусус ба АМИТ «Ховар» дар Институти забон ва адабиёти ба номи Абуабдуллоҳ Рӯдакӣ хабар доданд.
Субҳ меҳмонон дар пояи муҷассамаи Мавлоно гул гузошта, бо осорхона ва намоиши гурӯҳи ҳунармандону хонандагон шинос шуданд.
Бо ибтикори Академияи миллии илмҳои Тоҷикистон, Институти забон ва адабиёти ба номи Абуабдуллоҳ Рӯдакӣ ва Донишкадаи давлатии фарҳанг ва санъати Тоҷикистон дар мавзуи «Мавлоно ва фарҳанги ҷаҳон» конференсияи илмӣ баргузор гардид.
Конференсияро директори Институти забон ва адабиёти ба номи Рӯдакии Академияи миллии илмҳои Тоҷикистон Фарангис Шарифзода оғоз намуд.
Дар конференсия Ректори Донишкадаи давлатии фарҳанг ва санъати Тоҷикистон ба номи Мирзо Турсунзода Муҳриддин Низомӣ дар мавзуи «Мавлоно Ҷалолиддини Балхӣ ва Аттори Нишопурӣ», мудири шуъбаи матншиносии Маркази мероси хаттӣ Алӣ Муҳаммадӣ дар мавзуи «Шуҳрати ҷаҳонии «Маснавии маънавӣ» ва ашъори устоди Донишгоҳи давлатии Хуҷанд Нуралӣ Нурзод шунида шуд.
Дар бахши дуюми ҳамоиш муовини директор оид ба илм ва таълими Институти забон ва адабиёти ба номи Рӯдакӣ иштирокчиён ва ҳакамони озмуни «Маснавихонӣ»-ро бо тартиби баргузории озмун шинос намуд.
Озмун давоми ду рӯз дар 4 зина давом намуда, 29 сентябр ғолибони озмун бо мукофоту ифтихорномаҳо қадрдонӣ мешаванд.
АКС: Институти забон ва адабиёти ба номи Абуабдуллоҳ Рӯдакӣ
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
