Дар Боғи «Кули ҷавонон»-и шаҳри Душанбе намоиш-фурӯши маҳсулоти кишоварзию саноатии ноҳияҳои Сино ва Варзоб идома дорад

ДУШАНБЕ, 11.09.2023 /АМИТ «Ховар»/. 9 сентябр дар Боғи «Кули ҷавонон»-и шаҳри Душанбе намоиш-фурӯши маҳсулоти кишоварзию саноатӣ, ҳунарҳои мардумӣ, таъомҳои миллӣ ва барномаи фарҳангии ноҳияҳои Сино ва Варзоб оғоз гардида, то 15 сентябр идома меёбад.

Ин тадбир ба хотири таҷлили сазовор аз ҷашни бузургу муқаддаси миллӣ, 32-солагии истиқлоли давлатии Ҷумҳурии Тоҷикистон, таъмини ҳаёти шоиста бар мардум, хоса ғанӣ гардонии дастархони сокинон бо маҳсулоти хушсифату дастрас, таъмини фазои мусоиди ҷашнӣ ва истироҳату фароғат ба сокинону меҳмонони Душанбе шаҳр амалӣ мегардад.

Кишоварзон, намоядагони соҳаи саноат, ҳунармандон ва ошпазони ноҳияи Синои шаҳри Душанбе ва ноҳияи Варзоб дастовардҳои тамоми соҳаҳо, аз ҷумла маҳсулоти кишоварзию саноатӣ ва самараи меҳнати худро муаррифӣ ва бо арзиши дастрас ба шаҳрвандон пешниҳод менамоянд.

Дар намоиш-фурӯши маҳсулоти корхонаҳои саноатӣ номгӯи зиёди обҳои ташнашкин, маҳсулоти ширӣ, лавозимоти рӯзгор, масолеҳи сохтмонӣ, техникаи маишӣ ва дигар дастовардҳои бахшҷои саноат пешниҳод мегарданд.

Шоми 9 сентябр аҳли фарҳангӣ ноҳияҳои Сино ва Варзоб барномаи ҳунарии саршор аз сурудҳои ватандӯстона, дилнишину инсонпарварона фазои ҷашнию тантанавӣ, истироҳату фароғати комилро ба сокинону меҳмонони пойтахт таъмин намуданд.

АКС: АМИТ «Ховар»