Дар даври сеюми Озмуни ҷумҳуриявии «Тоҷикистон – Ватани азизи ман» 520 довталаб иштирок менамояд
ДУШАНБЕ, 05.09.2023. /АМИТ «Ховар»/. Ба даври сеюми Озмуни ҷумҳуриявии «Тоҷикистон-Ватани азизи ман» 520 довталаб роҳхат гирифт, хабар доданд ба АМИТ «Ховар» дар Вазорати фарҳанги Ҷумҳурии Тоҷикистон.
Даври сеюми Озмуни ҷумҳуриявии «Тоҷикистон — Ватани азизи ман» нимаи дуюми моҳи сентябри соли 2023 дар шаҳри Душанбе баргузор шуда, бо супоридани ҷоизаву дипломҳо ҷамъбаст мегардад.
Тавре қаблан АМИТ «Ховар» иттилоъ дод, даври дуюми Озмуни ҷумҳуриявии «Тоҷикистон-Ватани азизи ман» тибқи ҷадвали тасдиқшуда, аз 18 то 25 август соли 2023 дар маркази Вилояти Мухтори Кўҳистони Бадахшон, вилоятҳои Суғду Хатлон, шаҳри Душанбе ва ноҳияҳои тобеи ҷумҳурӣ (ноҳияи Рашт, шаҳри Ҳисор) аз рӯи панҷ номинатсия ҷамъбаст гардид.
Натиҷаи ҷамъбасти даври дуюми Озмуни ҷумҳуриявии «Тоҷикистон-Ватани азизи ман» чунин аст: Аз Вилояти Мухтори Кўҳистони Бадахшон дар ин давр 326 нафар довталаб иштирок намуда, ба даври сеюми озмун 91 нафар, дар вилояти Хатлон аз 706 довталаб 115 нафар, аз вилояти Суғд аз 459 довталаб 115 нафар, аз ноҳияҳои шаҳри Душанбе аз 223 довталаб 108 нафар ва аз ноҳияҳои тобеи ҷумҳурӣ аз 241 довталаб 91 нафар ба даври сеюм роҳхат гирифтанд.
Ёдовар мешавем, ки дар асоси Амри Президенти Ҷумҳурии Тоҷикистон дар бораи баргузор кардани Озмуни ҷумҳуриявии «Тоҷикистон-Ватани азизи ман» аз 2 феврали соли 2023 ҷиҳати амалӣ кардани чорабинии мазкур 3 750 000 (се миллиону ҳафтсаду панҷоҳ ҳазор) сомонӣ ҷудо гардид.
Озмуни мазкур дар се давр гузаронида мешавад: даври якум — моҳи май-июни соли 2023 дар маркази шаҳру ноҳияҳо; даври дуюм — моҳи июл – нимаи аввали моҳи августи соли 2023 дар Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе ва шаҳру ноҳияҳои тобеи ҷумҳурӣ; даври сеюм – нимаи дуюми моҳи сентябри соли 2023 дар пойтахти мамлакат- шаҳри Душанбе баргузор гардида, бо супоридани ҷоизаву дипломҳо ҷамъбаст мешавад.
Хотиррасон мешавем, ки соли равон ин озмун аз рӯйи 5 номинатсия — композиторӣ, сарояндагӣ, навозандагӣ, санъати тасвирӣ ва дизайн гузаронида шуд.
Номинатсияҳои санъати тасвирӣ ва дизайн бори аввал баргузор гардиданд ва дар онҳо довталабон аз рӯйи жанрҳои санъати тасвирӣ (рассомӣ, ҳайкалтарошӣ, графика, миниатюра), ороиши амалӣ (кулолгарӣ, заргарӣ, наққошӣ, коркарди бадеии чӯб), дизайни графика, реклама, дизайни дохили бино, дизайни мӯд ва бофандагии бадеӣ маҳорат санҷиданд.
Рухсораи НУР,
АМИТ «Ховар»
АКС аз бойгонӣ
Дар Москва шоми ёдбуди Мирзо Турсунзода баргузор гардид
Дар Тоҷикистон Рӯзҳои фарҳанги Федератсияи Русия оғоз гардид
Дар даври шаҳрии Озмуни ҷумҳуриявии «Илм — фурӯғи маърифат» дар Ҳисор беш аз 1400 довталаб маҳорат месанҷанд
Дар ноҳияи Рӯдакӣ даври ноҳиявии Озмуни ҷумҳуриявии «Илм — фурӯғи маърифат» оғоз шуд
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
