Намояндаи Тоҷикистон дар ҳамоиши байналмилалӣ доир ба масъалаҳои амнияти озуқаворӣ дар Самарқанд иштирок намуд
ДУШАНБЕ, 13.09.2023. /АМИТ «Ховар»/. Вазири кишоварзии Ҷумҳурии Тоҷикистон дар Конфронси байналмилалӣ доир ба масъалаҳои амнияти озуқаворӣ, ки дар шаҳри Самарқанди Ҷумҳурии Узбекистон баргузор гардид, иштирок намуд. Дар ин хусус ба АМИТ «Ховар» дар Вазорати кишоварзии ҷумҳурӣ хабар доданд.
Дар конфронси мазкур Сарвазири Ҷумҳурии Узбекистон ва ҳайатҳои баландпояи 43 давлати дунё, бо шумули 13 вазири кишоварзӣ, роҳбарони аввали ташкилоти байналмилалӣ, институтҳои молиявӣ, намояндагиҳои дипломатӣ ва бахши хусусӣ иштирок намуданд.
Вазири кишоварзии Ҷумҳурии Тоҷикистон изҳор намуд, ки амнияти озуқаворӣ ҷузъи муҳими амнияти миллии кишварҳо, аз ҷумла Ҷумҳурии Тоҷикистон ба ҳисоб рафта, таъмини амнияти озуқаворӣ яке аз афзалияти асосии Стратегияи миллии рушди Ҷумҳурии Тоҷикистон барои давраи то соли 2030 мебошад, ки барои ноил гардидан ба Ҳадафҳои Рушди Устувор нигаронида шудааст.
Таваҷҷуҳи иштирокчиёни конфронс ба ҳалли мушкилоти марбут ба тағйири иқлим ва таҳдиди афзояндаи гармшавии глобалӣ ҷалб карда шуда, таъкид гардид, ки Ҳукумати Ҷумҳурии Тоҷикистон аз воқеияти тағйирёбии иқлим ва оқибатҳои он барои амнияти озуқаворӣ хуб воқиф буда, кушиши худро барои мутобиқшавӣ ба тағйирёбии иқлим равона месозад.
Таъкид гардид, ки Ҳукумати Ҷумҳурии Тоҷикистон ва Вазорати кишоварзии Ҷумҳурии Тоҷикистон ба масъалаҳои таъмини амнияти озуқаворӣ диққати бештар дода, дар робита ба ин ҷараёни ислоҳотро дар бахши кишоварзӣ бо таваҷҷуҳ ба коҳиш додани таъсири тағйирёбии иқлим идома медиҳад.
АКС: Маркази матбуот ва иттилооти Вазорати кишоварзии Ҷумҳурии Тоҷикистон
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
Байни Тоҷикистон ва палатаҳои савдою саноати кишварҳои ИДМ густариши робитаҳои тиҷоратӣ баррасӣ гардид
Барои фурӯши неруи барқ тавассути истгоҳҳои пуркунии воситаҳои нақлиёти барқӣ талаботи нав амалӣ гардид
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
