Намояндаи Тоҷикистон дар Самарқанд бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд
ДУШАНБЕ, 23.09.2023. /АМИТ «Ховар»/. Тавре қаблан хабар додем, 22 сентябр дар шаҳри Самарқанди Ҷумҳурии Узбекистон таҳти раёсати Ҷумҳурии Тоҷикистон иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини мамлакатҳои аъзои Иттиҳоди Давлатҳои Мустақил доир гардид.
Дар ҷаласа коршиносон ва намояндагони давлатҳои аъзои Иттиҳоди Давлатҳои Мустақил доир ба базаи моддию техникии давлатҳои аъзо, стандарти байналмилалии ҳисоби захираҳо, ташкили харитаи гидрогеологии Қазоқистон м 1:2 500 000, ҷараёни рақамикунонии соҳаи геология, масъалаҳои мубрами нафту гази геология ва дарёфти роҳҳои ҳалли онҳо: дурнамои ҳамкорӣ дар доираи Шуро ва дигар масъалаҳои марбут ба соҳаи геология маъруза намуданд.
Аз ҷониби Ҷумҳурии Тоҷикистон сардори шуъбаи илм ва ҳуҷҷатҳои меъёрии Саридораи геологияи назди Ҳукумати Ҷумҳурии Тоҷикистон Собир Бобоев дар бораи Низомномаи гурӯҳи кории давлатҳои аъзои Шурои байниҳукуматӣ оид ба иктишоф, истифода ва ҳифзи қаъри замини мамлакатҳои аъзои Иттиҳоди Давлатҳои Мустақил дар самтҳои афзалиятноки рушди геология ва истифодаи қаъри замин, дар бораи лоиҳаҳои Барномаи рушди ҳамкории давлатҳои аъзои Иттиҳоди Давлатҳои Мустақил дар соҳаи омӯзиш, истифода ва ҳифзи обҳои зеризаминӣ дар давраи то соли 2030 ва нақшаи чорабиниҳо оид ба амаликунии он маъруза намуд.
Дар фарҷом бо қарори иҷлосияи навбатии Шурои байниҳукуматӣ оид ба иктишоф, истифода ва ҳифзи қаъри замини Иттиҳоди Давлатҳои Мустақил сардори шуъбаи илм ва ҳуҷҷатҳои меъёрии Саридораи геологияи назди Ҳукумати Ҷумҳурии Тоҷикистон Собир Бобоев бо нишони сарисинагии «Барои хизматҳо дар ҳамкории байналмилалии геологӣ» сарфароз гардонида шуд.
Собир Бобоев муҳандис-геолог буда, қариб 35 сол аст, ки дар мақомоти геологияи Тоҷикистон ҳамчун геолог, саргеолог, сардори гурӯҳ, муовини сардори Саридораи геологияи назди Ҳукумати Ҷумҳурии Тоҷикистон, сардори КВ «Экспедитсияи ҷустуҷӯи аксбардории геологӣ», сардори шуъбаи илм ва таҳияи ҳуҷҷатҳои меъёрии Саридора фаъолият дорад. Аз соли 2013 дар мансаби сардори шуъбаи геологияи Саридораи геологияи назди Ҳукумати Ҷумҳурии Тоҷикистон кор менамояд.
Мавсуф зиёда аз 20 сол аст, ки дар Шурои байниҳукуматӣ оид ба иктишоф, истифода ва ҳифзи қаъри замини мамлакатҳои аъзои Иттиҳоди Давлатҳои Мустақил саҳм мегузорад.
Иҷлосияи XXVI Шурои байниҳукуматӣ оид ба иктишоф, истифода ва ҳифзи қаъри замини мамлакатҳои аъзои Иттиҳоди Давлатҳои Мустақил ба кори худ анҷом бахшид. Дар фарҷом санади ҳамкории ниҳоӣ ба имзо расид.
АКС: Маркази матбуоти Саридораи геологияи назди Ҳукумати Ҷумҳурии Тоҷикистон
Бунёди зеристгоҳи нави барқии 220 кВ дар шаҳри Душанбе ва таҷдиду навсозии НБО «Варзоб-2» баррасӣ гардид
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
