ОБОДИИ МАҲАЛ. Ҳашт километр роҳи марказии ноҳияи Шаҳринав мумфарш мегардад
ШАҲРИНАВ, 13.09.2023 /АМИТ «Ховар»/. 11 сентябр бо иштироки Раиси ноҳияи Шаҳринав Абдуқодир Вализода ва соҳибкорону пирони рӯзгордида корҳои мумфаршкунии роҳи мошингарди маркази ноҳия аз ҷамоати шаҳраки ба номи М.Турсунзода то гардиши сари пули шоҳроҳи Душанбе-Турсунзода оғоз гардиданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Шаҳринав иттилоъ доданд.
Роҳи марказии ноҳия, ки аз ҷамоати шаҳраки ба номи М.Турсунзода то гардиши сари пули шоҳроҳи Душанбе-Турсунзода 8 километр масофаро ташкил медиҳад, аз тарафи соҳибкор Умар Кремлёв пурра навсозӣ ва қирпӯш мегардад.
Умар Кремлёв яке аз асосгузорони Хазинаи умумиҷаҳонии боксёрон, роҳбари ин хазина ва Президенти Ассотсиатсияи умумиҷаҳонии бокс, соҳибкори бонангу номуси Ватан ва хатмкардаи Муассисаи таҳсилоти миёнаи умумии №21 буда, роҳи мазкурро ба ифтихори ҷашни 35-солагии Истиқлолияти давлатии Ҷумҳурии Тоҷикистон навсозию мумфарш менамояд.
Соҳибкор зимни суҳбат бо раиси ноҳия доир ба амалӣ намудани лоиҳаҳои навсозии 8 километр роҳи маркази ноҳия то ҷамоати шаҳраки ба номи М.Турсунзода, таҷдиду навсозии Муассисаи томактабии №2 ва таъмиру бозсозӣ намудани Муассисаи таълимии №21 ва пурра ба муассисаи таълимии русӣ табдил додани ин мактаб пешниҳод ироа намуд.
Таъкид гардид, ки роҳи мазкур пурра бо сифати баланд ва мутобиқ ба талаботи меъёрҳои имрӯза навсозӣ мешавад ва дар оянда лоиҳаҳои боқимонда низ амалӣ мешаванд.
Ҳукумати мамлакат иқдому ташаббус ва пешниҳодҳои созандаи соҳибкоронро ҳамеша дастгирӣ намуда, ҷиҳати амалӣ гардидани онҳо тамоми шароиту имконияти мавҷударо муҳайё намудааст. Дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми сохторҳои давлатӣ вазифадор шудаанд, ки ташаббусҳои соҳибкорону сармоягузоронро ҳамаҷониба дастгирӣ ва барои амалӣ гардидани иқдоми созандаи онҳо мусоидат намоянд.
АКС: Мақомоти иҷроияи ҳокимияти давлатии ноҳияи Шаҳринав
35-СОЛАГИИ ИСТИҚЛОЛИ ДАВЛАТӢ. Дар шаҳри Норак барои кӯдакон муассисаҳои томактабӣ сохта мешаванд
КОРҲОИ ОБОДОНИЮ СОЗАНДАГӢ. Дар даромадгоҳи шаҳри Хоруғ дарвозаи нави замонавӣ бунёд карда мешавад
Дар ноҳияи Айнӣ Боғи фарҳангию фароғатии ба номи Шоҳ Исмоили Сомонӣ ба истифода дода шуд
НИШАСТИ МАТБУОТӢ. То ҷашни 35-солагии Истиқлоли давлатӣ беш аз 1400 иншоот ба истифода дода мешавад
Пешвои миллат Эмомалӣ Раҳмон бо намояндагони се ширкати калонтарини металлургии Чин мулоқот намуданд
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд ва кормандони соҳаи саноати кишвар мулоқот намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот зимни боздид аз сохтмони корхонаи ғанигардонии маъдани оҳан дар ноҳияи Бобоҷон Ғафуров
Сарвари давлат Эмомалӣ Раҳмон ба таври фосилавӣ ба бунёди корхонаҳои истеҳсоли семент дар шаҳри Истаравшан ва истеҳсоли оҳак дар ноҳияи Бобоҷон Ғафуров оғоз бахшиданд
Пешвои миллат Эмомалӣ Раҳмон дар ноҳияи Бобоҷон Ғафуров аз ҷараёни сохтмони корхонаи металлургии ҶСП «Комбинати металлургии тоҷик» дидан намуданд
Сарвари давлат Эмомалӣ Раҳмон дар Минтақаи озоди иқтисодии Суғд марҳилаи дуюми ҶДММ «Сайри Суғд»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 4 иншоотро дар шаҳри Хуҷанд ва ноҳияи Кӯҳистони Мастчоҳ ифтитоҳ намуданд
Пешвои миллат Эмомалӣ Раҳмон дар шаҳри Хуҷанд бинои нави маъмурии Суди вилояти Суғдро ба истифода доданд
