Президенти Агентии ҳамкории байналмилалии Ҷопон Акихико Танака доктори фахрии Донишгоҳи миллии Тоҷикистон гардид
ДУШАНБЕ, 02.09.2023 /АМИТ «Ховар»/. Имрӯз Президенти Агентии ҳамкории байналмилалии Ҷопон (JICA) Акихико Танака ба Донишгоҳи миллии Тоҷикистон ташриф оварда, бо ҳайати устодону кормандони донишгоҳ вохӯрӣ намуд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
Президенти Агентии ҳамкории байналмилалии Ҷопон (JICA) Акихико Танака бо дастовардҳои илмию тахникии донишгоҳ шинос шуд. Намоишгоҳ аз гӯшаҳои китобҳои таълифнамудаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, китобҳои тозанашри илмию таълимии устодону кормандони донишгоҳ, дастгоҳҳои замонавии таълимӣ-истеҳсолӣ, китобҳои нодири таърихӣ, дастовардҳои Маркази биотехнология ва Парки технологии донишгоҳ, Институти илмӣ-тадқиқотӣ, таҷҳизотҳои муосири фанҳои табиию риёзӣ, маҷаллаҳои илмӣ-таҳқиқотӣ ва ғайра иборат буд.
Ректори Донишгоҳи миллии Тоҷикистон Қобилҷон Хушвахтзода роҷеъ ба муҳимму саривақтӣ будани вохӯрии мазкур ва ҳамкории Ҷумҳурии Тоҷикистон бо Ҷопон дар бахши маориф суханронӣ намуд.
Дар идома қарори Шурои олимони Донишгоҳи миллӣ дар робита ба узви ифтихории Шурои олимон ва доктори фахрии Донишгоҳи миллии Тоҷикистон интихоб гардидани Президенти Агентии ҳамкории байналмилалии Ҷопон (JICA) Акихико Танака ироа гардид. Зимни супоридани дипломи доктори фахрӣ ва пӯшонидани либоси махсус (манти)-и узви ифтихории Шурои олимони донишгоҳ таъкид гардид, ки Президенти Агентии ҳамкории байналмилалии Ҷопон (JICA) Акихико Танака барои саҳми босазояш дар рушди ҳамкории дуҷониба бо чунин унвон сазовор шуд.
Акихико Танака бо изҳори сипос аз Роҳбари давлат ва раёсати Донишгоҳи миллии Тоҷикистон нишасти мазкурро яке аз самтҳои муҳимми таҳкими дӯстӣ ва ҳамкории Ҷопону Тоҷикистон унвон намуд. Ӯ аз натиҷаи нишаст ва доктори фахрӣ ва узви ифтихории Шурои олимони Донишгоҳи миллии Тоҷикистон интихоб шуданаш изҳори сипос намуда, дар робита ба саҳми илму таълим ва масъалаҳои дипломатӣ дар густариши ҳамкорӣ, инчунин масъалаҳои иқтисодию дипломатӣ суханронӣ намуд.
АКС: Донишгоҳи миллии Тоҷикистон
Муттаҳидгардонии имтиҳонҳои хатми муассисаҳои таҳсилоти миёнаи умумӣ бо дохилшавӣ ба муассисаҳои таҳсилоти олии касбӣ. Ин масъала мавриди омузиш қарор мегирад
НИШАСТИ МАТБУОТӢ. Дар муассисаҳои таълимии Тоҷикистон низоми баҳогузории 10-хола чӣ натиҷа дод?
Вазири маориф ва илми Тоҷикистон: «Низоми дувоздаҳсолаи таълим дар марҳилаи аввал ба таври пилотӣ амалӣ карда мешавад»
Хонандаи тоҷик «Ҷоми Раёсати Донишгоҳи славянии Русияю Тоҷикистон»-ро соҳиб гардид
НИШАСТИ МАТБУОТӢ. Дар Донишгоҳи давлатии Хоруғ нахустин маротиба ду Шурои диссертатсионӣ барои ҳимояи рисолаҳои илмӣ таъсис ёфт
НИШАСТИ МАТБУОТӢ. Дар самти бунёди муассисаҳои томактабӣ дар ноҳияи Шоҳмансур чӣ тадбирҳо андешида мешаванд?
НИШАСТИ МАТБУОТӢ. Маркази «Низоми байналмилалии арзёбии омӯзиши забони тоҷикӣ» таъсис меёбад
НИШАСТИ МАТБУОТӢ. Дар ноҳияи Рашт 27 омузгор бо қитъаи замини наздиҳавлигӣ таъмин гардид
НИШАСТИ МАТБУОТӢ. Соли 2026 музди маоши кормандони Донишгоҳи давлатии Бохтар 10 фоиз баланд бардошта мешавад
Дар Донишгоҳи давлатии ҳуқуқ, бизнес ва сиёсати Тоҷикистон толори судӣ, клиникаи ҳуқуқӣ, марказҳои тестӣ ва забономӯзӣ фаъолият менамоянд
НИШАСТИ МАТБУОТӢ. Соли 2025 дар Донишгоҳи давлатии молия ва иқтисоди Тоҷикистон 15 ихтисоси нав таъсис ёфт
Донишгоҳи давлатии Кӯлоб омузгоронро барои ҳимояи рисолаи докторӣ бо 40 ҳазор сомонӣ қадрдонӣ менамояд
