11 нафар аз Донишгоҳи миллии Тоҷикистон дар Озмуни ҷумҳуриявии «Илм – фурӯғи маърифат» сазовори ҷойҳои намоён шуданд
ДУШАНБЕ, 31.10.2023 /АМИТ «Ховар»/. 10 донишҷӯ ва як устоди Донишгоҳи миллии Тоҷикистон дар Озмуни ҷумҳуриявии «Илм – фурӯғи маърифат» аз рӯйи 7 номинатсия ба гирифтани 3 ҷойи аввал, 2 ҷойи дуюм, 5 ҷойи сеюм ва 1 ҷои ифтихорӣ мушарраф гардиданд, хабар медиҳад АМИТ «Ховар» бо истинод ба ин донишгоҳ.
Донишҷӯйи курси 4-уми факултети механикаю математика Муҳибулло Қосимов аз рӯйи номинатсияи математика, Садриддин Мирзоев – донишҷӯйи курси 4-уми факултети физика аз рӯйи номинатсияи физика ва астрономия, дотсенти кафедраи химияи татбиқии факултети химия Саврибегим Ёрмамадова аз рӯйи номинатсияи ихтироъкорӣ (байни устодону кормандон ва унвонҷӯёну докторантон) ҷойи якумро ишғол намуданд.
Донишҷӯйи курси 3-юми факултети механикаю математика Шоҳин Исматов аз рӯйи номинатсияи математика, Фаридун Қориев – донишҷӯйи курси 4-уми факултети геология аз рӯйи номинатсияи география ҷойи дуюмро ишғол намуданд.
Донишҷӯи курси 2-юми факултети молиявию иқтисодӣ Муҳаммадҷони Диловар аз рӯйи номинатсияи математика, Саидҷони Обидҷон – донишҷӯи курси 2-юми факултети молиявию иқтисодӣ аз рӯйи номинатсияи физика ва астрономия ва донишҷӯйи курси 3-юми факултети химия аз рӯйи номинатсияи химия Амир Назарзода соҳиби ҷойи 3 сеюм гардида, донишҷӯйи курси 3-юми факултети химия Азизбек Мираҳимов аз рӯйи номинатсияи химия ҷойи ифтихориро соҳиб гардид.
Ёдовар мешавем, ки 28 октябр дар Душанбе маросими ҷоизасупории ғолибони даври ҷумҳуриявии Озмуни «Илм-фурӯғи маърифат» баргузор шуд. Озмун таҳти cарпарастии Президенти Ҷумҳурии Тоҷикистон муҳтарам Эмомалӣ Раҳмон бо мақсади рушди тафаккури техникӣ, тарғиби ҷаҳонбинии илмӣ, дастрасӣ пайдо намудан ба техникаву технология, тавсеаи ихтироъкорӣ ва навоварӣ, пайвасти илм бо истеҳсолот, ҷалби бештари хонандагону донишҷӯён ва дигар қишрҳои ҷомеа ба омӯзиши фанҳои риёзӣ, дақиқ ва табиӣ, ҳамчунин дарёфт ва муаррифии истеъдодҳои нав дар ин самтҳо баргузор гардид.
АКС: Донишгоҳи миллии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар даври сеюми имтиҳонҳои марказонидаи дохилшавӣ беш аз 16 ҳазор нафар донишҷӯ шуданд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
