9 нафар аз Донишгоҳи давлатии омӯзгории Тоҷикистон ғолиби даври шаҳрии озмунҳои ҷумҳуриявӣ шуданд
ДУШАНБЕ, 17.10.2023. /АМИТ «Ховар»/. Тавре қаблан иттилоъ додем, 14 октябр дар шаҳри Душанбе маросими ҷоизасупорӣ ба ғолибони даври сеюми озмунҳои ҷумҳуриявии «Илм-фурӯғи маърифат» ва ««Тоҷикон»-оинаи таърихи миллат» доир гардид. Дар он 9 нафар аз Донишгоҳи давлатии омӯзгории Тоҷикистон ба номи Садриддин Айнӣ сазовори ҷойҳои якум, дуюм ва сеюм шуданд. Дар ин хусус ба АМИТ «Ховар» дар Донишгоҳи давлатии омӯзгории Тоҷикистон хабар доданд.
Аз ҷумла, дар озмуни ««Тоҷикон»-оинаи таърихи миллат» омӯзгори факултети иқтисод ва идора Навруста Дӯстова сазовори ҷойи дуюм, донишҷӯи факултети таърих ва ҳуқуқ Дилшод Ниёзов ҷойи дуюм ва донишҷӯи факултети таърих ва ҳуқуқ Умедҷон Меликов ба гирифтани ҷойи сеюм мушарраф гардид.
Дар озмуни «Илм-фурӯғи маърифат» 6 нафар, аз ҷумла донишҷӯи факултети физика Саидҷон Насриддинзода, донишҷӯи факултети биология Муҳаммадзариф Зарипов соҳиби ҷойи якум, донишҷӯи факултети математика ва информатика Сарвар Ҳурматов ва донишҷӯи факултети химия Марҷона Файзуллоева соҳиби ҷойи дуюм, донишҷӯи факултети биология Парвина Рӯзиматова ва донишҷӯи факултети география Хуршед Амонов сазовори ҷойи сеюм гардиданд.
Хотиррасон менамоем, ки озмунҳои мазкур бо ташаббус ва роҳнамоиҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар саросари мамлакат гузаронида мешаванд.
Ин тадбири саривақтии Сарвари давлат на танҳо ба баланд бардоштани сатҳи маърифат, малакаю ҷаҳонбинии сокинони ҷумҳурӣ, алалхусус насли наврасу ҷавон муосидат намуд, балки барои эҳёи анъанаҳои хуби ниёгон низ заминаи боэътимод гузошт.
АКС: Донишгоҳи давлатии омӯзгории Тоҷикистон ба номи Садриддин Айнӣ
Донишгоҳи технологии Тоҷикистон соҳиби аккредитатсияи байналмилалии институтсионалӣ гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар даври сеюми имтиҳонҳои марказонидаи дохилшавӣ беш аз 16 ҳазор нафар донишҷӯ шуданд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
