Ҳайати Донишгоҳи байналмилалии сайёҳӣ ва соҳибкории Тоҷикистон дар Форуми байналмилалӣ дар Самарқанд иштирок намуд

ДУШАНБЕ, 18.10.2023 /АМИТ «Ховар»/. Дар ҳошияи иҷлосияи 25-уми Маҷмаи Умумии Созмони ҷаҳонии сайёҳӣ (UNWTO) намояндагони Донишгоҳи байналмилалии сайёҳӣ ва соҳибкории Тоҷикистон дар Форуми байналмилалии сармоягузорӣ ва намоишгоҳи байналмилалии сайёҳӣ, ки дар шаҳри бостонии Самарқанд баргузор гардид, иштирок намуданд.

АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ медиҳад, ки дар форум Дабири кулли Созмони ҷаҳонии сайёҳӣ Зураб Пололикашвилим ва намояндагону коршиносони байналмилалии сайёҳӣ аз 140 давлати дунё иштирок намуданд.

Дар доираи форум намоишгоҳи байналмилалии сайёҳӣ баргузор гардид, ки дар он Кумитаи рушди сайёҳии назди Ҳукумати Ҷумҳурии Тоҷикистон ва ширкатҳои сайёҳии ватанӣ имконияти қабули сайёҳон ва хизматрасониро дар ин самт муаррифӣ намуданд.

Дар ҳошияи иҷлосияи 25-уми Маҷмаи Умумии Созмони ҷаҳонии сайёҳӣ Форуми таҳсилот ва семинари минтақавии сайёҳӣ доир мегарданд. Дар кори онҳо намояндагони Донишгоҳи байналмилалии сайёҳӣ ва соҳибкории Тоҷикистон низ иштирок менамоянд.

АКС: Донишгоҳи байналмилалии сайёҳӣ ва соҳибкории Тоҷикистон