Ҳайати Тоҷикистон дар Чемпионати III байналмилалии сохтмонӣ иштирок намуд
ДУШАНБЕ, 24.10.2023. /АМИТ «Ховар»/. Аз 17 то 20 октябр ҳайати Тоҷикистон таҳти роҳбарии Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода дар Чемпионати III байналмилалии сохтмонӣ, ки дар шаҳри Санкт—Петербурги Федератсияи Русия баргузор гардид, иштирок намуд. Дар ин хусус ба АМИТ «Ховар» дар Кумитаи меъморӣ ва сохтмони ҷумҳурӣ хабар доданд.
Маросими расмии ифтитоҳи Чемпионати III байналмилалии сохтмонӣ дар маркази ЭкспоФорум-и шаҳри Санкт-Петербурги Федератсияи Русия баргузор гардид, ки дар он зиёда аз 1500 мутахассиси соҳаи сохтмон аз ширкатҳои Русия ва давлатҳои хориҷӣ иштирок варзиданд.
Мақсади мусобиқа- ин таъмини рушди босуръати соҳаи сохтмон ба манфиати мардум, давлат ва соҳибкорӣ буда, мавзуи асосии он «Технологияҳои замони нав» ҳисобида шуд. Ҳамоиш ҷиҳати таҳкими ҳамкории давлатҳо ва ширкатҳо дар арсаи байналмилалӣ дар соҳаи сохтмони саноатӣ ва шаҳрвандӣ гузаронида шуд.
Мусобиқа бо иштироки роҳбарияти мақомоти иҷроияи федералӣ ва минтақавии Федератсияи Русия, бузургтарин ширкатҳои русӣ ва хориҷӣ баргузор гардида, инчунин намоиши созмонҳои шарик дар қолаби нави мултимедиявӣ доир шуд.
Чемпионат аз рӯи 25 номинатсияи фардӣ ва даставӣ, аз ҷумла сохтмон, лоиҳакашии объектҳо ва идоракунии лоиҳаи сохтмон гузаронида шуд.
Ҳамзамон 19 ва 20 октябр Конгреси 2-юми сохтмонии Авруосиё ва дар чаҳорчӯбаи ин чемпионат конфронси байналхалқӣ оид ба рушди соҳаи сохтмон баргузор гардида, дар он ҳайати Тоҷикистон иштирок намуд.
20 октябр Раиси Кумитаи меъморӣ ва сохтмони назди Ҳукумати Ҷумҳурии Тоҷикистон Низом Мирзозода, Вазири сохтмон ва хоҷагии манзилию коммуналии Федератсияи Русия Ирек Файзуллин ва Директори асосии иҷроияи Корпоратсияи давлатии неруи атомӣ «Росатом»-и Федератсияи Русия Алексей Лихачёв доир ба ҳамкорӣ дар соҳаи сохтмон Ёддошти тафоҳум ба имзо расониданд.
АКС: Кумитаи меъморӣ ва сохтмони назди Ҳукумати Ҷумҳурии Тоҷикистон
Ҳаҷми истеҳсоли маҳсулоти кишоварзӣ дар Тоҷикистон беш аз 23 миллиард сомониро ташкил дод
Маконҳои таърихӣ, фарҳангӣ ва сайёҳии Тоҷикистонро беш аз 760 ҳазор сайёҳи хориҷӣ тамошо намуданд
Логистика ба бахши ҷудонопазир ва муҳаррики муҳими иқтисод табдил меёбад
Ҷаласаи Кумитаи тадорукот оид ба омодагӣ ва баргузории Форуми байналмилалии сармоягузории «Душанбе Инвест-2025» доир шуд
Дар Форуми иқтисодӣ, сармоягузорӣ ва сайёҳӣ зиёда аз 100 ширкати Тоҷикистон ва Амороти Муттаҳидаи Араб иштирок намуданд
Байни Ҳукумати Ҷумҳурии Тоҷикистон ва Ҳукумати Амороти Муттаҳидаи Араб Созишномаи ҳамкорӣ оид ба алоқаи ҳавоӣ ба имзо расид
Форуми иқтисодӣ, сармоягузорӣ ва сайёҳии Ҷумҳурии Тоҷикистон ва Амороти Муттаҳидаи Араб доир гардид
Ҳаҷми истеҳсоли маҳсулоти саноатӣ дар вилояти Суғд ба 18,1 миллиард сомонӣ расид
Вохӯрии маҷозии Шурои тиҷоратии Тоҷикистону Амрико дар мавзуи технологияҳои рақамӣ баргузор гардид
Тоҷикистон ва Амороти Муттаҳидаи Араб ҳамкориро дар бахшҳои саноат ва иқтисод баррасӣ намуданд
Иншооти аср — Неругоҳи барқи обии «Роғун» таҳти роҳнамоии Президенти Тоҷикистон бунёд мегардад
Чаро дар Тоҷикистон нархи картошка гарон аст? Маҳдуд кардани дахолати миёнаравҳо имкон медиҳад, ки кишоварзон маҳсулоти худро бевосита ба бозор бароранд
