БАХШИДА БА РӮЗИ ТЕАТРИ ТОҶИК. Театри давлатии ҷавонон ба номи Маҳмудҷон Воҳидов ҳамарӯза намоишҳои ҷолибро пешкаши тамошобинон мегардонад
ДУШАНБЕ, 30.10.2023 /АМИТ «Ховар»/. 7 ноябр дар Тоҷикистон Рӯзи Театри тоҷик мебошад. Бахшида ба ин рӯз дар Театри давлатии ҷавонон ба номи Маҳмудҷон Воҳидов шуруъ аз имрӯз то 4 ноябр ҳамарӯза соатҳои 12:00 ва 15:00 намоишҳо пешкаши тамошобинон гардонида мешаванд. Дар ин хусус АМИТ «Ховар» бо истинод ба ин театр хабар медиҳад.
Дар ин рӯзҳо спектаклҳои «Ашки хунин», «Гунҷишкакон ҳам механданд», «Метранпаж», «Арӯси ҷангара», «Модар маро бубахш», «Дирафши ковиёнӣ», «Гирдбод» намоиш дода мешаванд.
Ҳамзамон намоиши «Зани сарватманд» ва «Шабе дур аз Ватан» низ ба нақша гирифта шудааст.
Бояд гуфт, ки Театри давлатии ҷавонон ба номи Маҳмудҷон Воҳидов соли 1971 дари худро барои мухлисонаш боз намуда, 27 декабри ҳамон сол бори аввал театр бо спектакли «Васса Железнова»-и Максим Горкий пардаи худро ба рӯи тамошобинон кушод.
Репертуари театрро асарҳои «Табиби зӯракӣ»-и Жан-Батист Молер, «Пирии пурзаҳмат»-и Лев Разгонов, «Ғори аҷинаҳо»-и Гулрухсор Сафиева, «Хазони таги пой»-и Фотима Ғуломова, «Робияи Балхӣ»-и Азамат Атобоев, «Ҳалокати умед»-и Галина Германсева, «Тангои ҷиноятӣ»-и З. Раннет ташкил менамуд. Ҳайати эҷодии театри навбунёдро актёрони ҷавон ташкил медод.
Дар замони соҳибистиқлолӣ дар Театри давлатии ҷавонон ба номи Маҳмудҷон Воҳидов ҳунарпешагону коргардонҳои бомаҳорат фаъолият намуда, асарҳои хуби саҳнавӣ меофаранд. Қисми зиёди онҳоро ҷавонон ташкил дода, бо иҷрои нақшҳои хуби офаридаашон ҳам дар дохил ва ҳам хориҷи мамлакат ба пешравиҳои назаррас ноил гардидаанд.
София ШОИК,
АМИТ «Ховар»
АКС: АМИТ «Ховар»
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
