Бахшида ба Рӯзи забони давлатӣ ва иди касбии кормандони оперативии мақомоти милитсия ҳамоиш доир шуд
ДУШАНБЕ, 04.10.2023. /АМИТ «Ховар»/. Дар Раёсати Вазорати корҳои дохилӣ дар шаҳри Душанбе бахшида ба таҷлили Рӯзи забони давлатӣ ва Рӯзи касбии кормандони оперативии мақомоти милитсия дар доираи маҳфили «Маърифати ватандӯстӣ» ҳамоиши тантанавӣ баргузор гардид. Дар ин хусус ба АМИТ «Ховар» дар Раёсати Вазорати корҳои дохилӣ дар шаҳри Душанбе хабар доданд.
Иброз гардид, ки маҳз забон давоми солҳои таърих нигоҳдорандаи арзишҳои миллати тоҷик ба шумор рафта, миллати моро дар кашмакашҳои таърихӣ ҳамеша забони нобу шевояш ҳифз намудааст.
Дар ҳамоиш муҳимтарин масъалаҳои забон ва таҳкими минбаъдаи он мавриди баррасӣ қарор гирифта, баён гардид, ки мояи ифтихор аст, ки имрӯз забони тоҷикӣ рушд намуда, ҳамчун забони илм муаррифӣ мешавад.
Дар қисмати дигари ҳамоиш доир ба фаъолияту ҷоннисориҳои кормандони самти оперативии мақомоти милитсия ибрози андеша шуд. Иброз гардид, ки дар баробари кормандони дигар бахшҳои милитсия кормандони бахши оперативӣ ҷиҳати ошкору дастгирнамоии афроди ҷиноятпеша, таъмини волоияти қонуну тартибот, ҳифзи ҳуқуқу манфиатҳои қонунии шаҳрвандон нақши муҳим доранд.
Дар анҷоми ҳамоиш як зумра кормандоне, ки дар фаъолияти корӣ ба натиҷаҳои назаррас ноил гардидаанд, бо Ифтихорномаву сипосномаҳо қадрдонӣ шуданд.
АКС: Раёсати Вазорати корҳои дохилӣ дар шаҳри Душанбе
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
