Беш аз 60 ширкати ватаниву хориҷӣ дар намоишгоҳи байналмилалии сохтмонии «ТAJBUILD» дар Душанбе иштирок менамоянд
ДУШАНБЕ, 12.10.2023 /АМИТ «Ховар»/. Беш аз 60 ширкати ватаниву хориҷӣ дар Намоишгоҳи байналмилалии сохтмонии «ТаҷБилд», ки имрӯз дар Душанбе оғоз меёбад, иштирок менамоянд. Дар ин хусус зимни нишасти матбуотӣ ба хабарнигорон мудири Ассотсиатсияи ширкати «ТAJBUILD» Алиҷон Қодиров иттилоъ дод, хабар медиҳад АМИТ «Ховар».
Мавсуф афзуд, ки Намоишгоҳи байналмилалии «ТAJBUILD» дар доираи Солҳои рушди саноат (2022-2026) бо мақсади саҳмгузорӣ дар рушди соҳаи сохтмону саноат гузаронида шуда, барои тақвияти ҳамкорӣ байни ширкатҳои ватанӣ ва хориҷӣ заминаи мусоид фароҳам меорад.
Дар намоишгоҳ беҳтарин дастовардҳо ва таҷрибаи пешқадами ширкатҳои бонуфузи сохтмонии хориҷӣ, маҳсулоти сохтмонӣ, технология ва таҷҳизоти махсуси соҳавӣ ба маъраз гузошта мешавад. Намоишгоҳ бо ибтикори Ассотсиатсияи ширкати «ТAJBUILD» ва дастгирии Палатаи савдо ва саноати ҷумҳурӣ гузаронида шуда, дар он ширкатҳо аз Тоҷикистон, Русия, Чин, Эрон, Туркия ва Узбекистон иштирок менамоянд.
Яке аз ҳадафҳои асосии намоишгоҳи «ТAJBUILD»- муаррифии маҳсулоти сохтмониву ороишӣ, таҷҳизот ва хизматрасонии сохтмонӣ мебошад. Намоишгоҳи байналмилалии «ТAJBUILD» аз 6 қисмат- маҳсулоти сохтмонӣ ва ороишӣ, меъморӣ ва ороишӣ, сохтмони манзилҳои наздишаҳрӣ, коммуникатсияҳои муҳандисӣ ва таҷҳизот, техникаҳои махсус, механизмҳо, асбоб, либосҳои махсуси соҳавӣ ва моликияти ғайриманқул иборат мебошад.
Шарики асосии Намоишгоҳи байналмилалии ««ТAJBUILD» ширкати сохтмонии «Строй Центр», обҳои ташнагишикани «Сиёма», ширкати «Зепилин Тоҷикистон» буда, баргузории намоишгоҳ ба татбиқи Нақшаи генералии шаҳри Душанбе, ки марҳилаи якуми он то соли 2025 идома меёбад, мусоидат менамояд.
Намоишгоҳи байналмилалии сохтмонии «ТAJBUILD» соли дуюм баргузор гардида, ягона майдоне аст, ки маҳсулот ва дастовардҳои соҳаи сохтмонро муаррифӣ менамояд.
Марзия САИДЗОДА,
АМИТ «Ховар»
АКС:АМИТ «Ховар»
Дар Форуми иқтисодии СПЕКА нишондиҳандаҳои гардиши савдои хориҷии Тоҷикистон муаррифӣ карда шуд
Ҳамкории Тоҷикистон ва Бонки аврупоии сармоягузорӣ дар соҳаи гидроэнергетика тақвият меёбад
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
