Бо мақсади баррасии ҳолат ва дурнамои таълими фанни журналистикаи соҳавии телевизион ва технологияҳои инноватсионӣ ҳамоиш доир шуд
ДУШАНБЕ, 05.10.2023. /АМИТ «Ховар»/. Дар Донишкадаи давлатии фарҳанг ва санъати Тоҷикистон ба номи Мирзо Турсунзода бахшида ба 32-солагии Истиқлолияти давлатии Ҷумҳурии Тоҷикистон дар доираи Лоиҳаи таҳқиқотии «Масъалаҳои тарбияи кадрҳои баландихтисоси соҳавии журналистикаи телевизион (солҳои 2022-2026)» конфронси ҷумҳуриявии илмию амалӣ бо унвони «Ҳолат ва мушкилоти таълими фанни журналистикаи соҳавии телевизион ва технологияҳои инноватсионии таълим» баргузор гардид. Дар ин хусус ба АМИТ «Ховар» дар факултети журналистикаи телевизион ва радиои донишкада хабар доданд.
Тазаккур дода шуд, ки бо шарофати истиқлолият ва ташаббуси Президенти Ҷумҳурии Тоҷикистон муҳтарам Эмомалӣ Раҳмон соҳаи телевизион рушд намуда, сафи телевизионҳои соҳавии ҷумҳуриявӣ ба 15 ва ғайридавлатии шаҳриву ноҳиявӣ ба 35 адад расид.
Зимни ҳамоиш бо назардошти саҳми телевизион ва радио дар таҳкими фазои иттилоотӣ, арзишҳои миллию таърихӣ, тарбияи наслҳо дар руҳияи ифтихори миллӣ ва мусоидат ба рушди тамоми соҳаҳои ҷомеа қарор дода шуд, ки ба Маҷлиси Олии Ҷумҳурии Тоҷикистон муроҷиатнома қабул шавад, то 3 октябр ҳамчун Рӯзи Телевизиони тоҷик (кормандони соҳаи телевизион) ва 10 апрел Рӯзи Радиои тоҷик дар Қонуни Ҷумҳурии Тоҷикистон «Дар бораи рӯзҳои ид» ворид гарданд ва минбаъд ин санаҳои фарҳангӣ расман ҷашн гирифта шаванд. Ин пешниҳод аз тарафи иштирокчиёни конфронс бо руҳбаландӣ қабул гардид.
Сипас дар ду бахш 28 маърузаи илмии устодону унвонҷӯён ва донишҷӯёни муассисаҳои таълимии Донишгоҳи миллии Тоҷикистон, Донишгоҳи славянии Русияву Тоҷикистон, Донишгоҳи давлатии омӯзгории Тоҷикистон ба номи С. Айнӣ, Донишгоҳи давлатии Хуҷанд ба номи академик Б. Ғафуров, Донишгоҳи давлатии Бохтар ба номи Н. Хусрав ва Донишкадаи давлатии фарҳанг ва санъати Тоҷикистон ба номи М.Турсунзода қироат шуданд, ки аксаран ба мавзуи тарбияи журналистони соҳавӣ бахшида шуда буданд.
АКС: Донишкадаи давлатии фарҳанг ва санъати Тоҷикистон ба номи Мирзо Турсунзода
Вобаста ба масъалаҳои таъмини ҳифзи сирри давлатӣ дар матбуот ва дигар воситаҳои ахбори омма машварати омӯзишӣ доир гардид
22 июл дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Дар Душанбе намоиши «Намунаҳои атласу адраси тоҷикӣ аз фонди Осорхонаи миллӣ» ифтитоҳ гардид
Сайёҳон ба воситаи аудиошунавоӣ бо мавзеъҳои таърихиву фарҳангии шаҳри Хуҷанд шинос мешаванд
«ТОҶИКИСТОН-ВАТАНИ АЗИЗИ МАН». Ба даври сеюми ин озмуни ҷумҳуриявӣ 525 довталаб роҳхат гирифт
Бахшида ба 100-солагии адабиётшиноси маъруфи тоҷик Соҳиб Табаров ҳамоишу маҳфилҳои илмӣ-адабӣ доир мешаванд
Донишкадаи умумирусиягии кинематографияи ба номи Сергей Герасимови шаҳри Москва қабули довталабонро эълон намуд
«Нурворизм» ва «Танворизм» -«Ду равияи як рассом». Дар Осорхонаи миллӣ намоиши асарҳои рассом Зокир Собиров ифтитоҳ гардид
Коллеҷи хореографӣ ба номи Малика Собирова дар соли нави хониш ба истифода дода мешавад
«ТОҶИКОНА МЕПӮШЕМ». Ҳадафи ин иқдом тарғиби либоси миллӣ ва ҷалби тарроҳон ба муосиргардонии он мебошад
«САҲМИ ИБНИ СИНО ДАР ТАШАККУЛИ ТИББИ ҚАДИМ ВА МУОСИР: ОСОРИ ИЛМӢ, ТАҶРИБА ВА НАЗАРИЯ». Таҳти ин унвон дар Русия озмуни мақолаи беҳтарин эълон гардид
