Дар Донишгоҳи давлатии Хуҷанд бо мақсади баланд бардоштани мафкураи зиддикоррупсионии ҷавонон машварати омўзишӣ баргузор шуд
ДУШАНБЕ, 29.10.2023 /АМИТ «Ховар»/. 26 октябр дар Донишгоҳи давлатии Хуҷанд ба номи академик Бобоҷон Ғафуров бо мақсади баланд бардоштани мафкураи зиддикоррупсионии аҳли ҷомеа, махсусан ҷавонон бо иштироки васеи устодону донишҷӯён машварати омӯзишӣ дар самти муқовимат ба коррупсия баргузор гардид. Дар ин хусус ба АМИТ «Ховар» дар ин донишгоҳ хабар доданд.
Машварат ҷиҳати муайян намудани самтҳои афзалиятноки муқовимат ба коррупсия, пешбинии чорабиниҳои мушаххас дар самти пешгирии ин кирдори номатлуб, тақвияти ҳамкорӣ ва ҳамоҳангсозии воҳидҳои сохторӣ, мубодилаи таҷриба ва такмили савияи дониши кормандон арзёбӣ гардид.
Таъкид гардид, ки дар ҷомеаи ҷаҳони муосир коррупсия яке аз мушкилоти иҷтимоӣ ба ҳисоб рафта, ба рушди устувори давлатдорӣ ва соҳаҳои мухталифи ҳаёти ҷомеа – иқтисоду иҷтимоиёт, фарҳанг, маориф, тандурустӣ, нақлиёт, ахлоқ ва оромии ҷумҳурӣ зарари манфӣ мерасонад ва мубориза беамон бо ин падидаи номатлуб амали дастҷамъона мебошад. Аз ҳамин лиҳоз ҷиҳати пешгирӣ аз ҳама гуна ҷинояту ҷинояткорӣ ва муборизаи беамон бо коррупсия соли 2003 Конвенсияи Созмони Милали Муттаҳид бар зидди коррупсия қабул гардид.
Баланд бардоштани маърифати ҳуқуқӣ, тарғибу ташвиқи ғояҳои зиддикоррупсионӣ байни ҷомеа ва хосатан ҷавонон аз ҳадафҳои муҳими баргузории машварат маънидод гардид.
Маърузачиён доир ба чораҳои муқовимат ба коррупсия ва роҳҳои пешгирии ҳуқуқвайронкунии коррупсионӣ дар соҳаҳои мухталифи фаъолият, баланд бардоштани маърифати зиддикоррупсионии аҳолӣ ва ба ин восита поён бурдани сатҳи шиддати коррупсия ва татбиқи босамари барномаҳои давлатӣ дар самти муқовимат ба коррупсия ибрози назар намуданд.
АКС: Донишгоҳи давлатии Хуҷанд ба номи академик Бобоҷон Ғафуров
Дар муассисаҳои таҳсилоти олии касбии Чин зиёда аз 5000 донишҷӯи тоҷик таҳсил менамоянд
Дар Донишгоҳи давлатии ҳуқуқ, бизнес ва сиёсати Тоҷикистон масъалаи истифодаи усулҳои нави таълими забонҳои хориҷӣ баррасӣ шуд
Донишгоҳи байналмилалии забонҳои хориҷии Тоҷикистон хатмкунандагонро ба муассисаҳои таълимӣ равона намуд
Беш аз 200 нафар донишҷӯён ва магистрантон соҳиби Стипендияи Раиси вилояти Суғд шуданд
Хонандагони тоҷик дар Олимпиадаи байналмилалии «Al-Khwarazmi» сазовори 12 ҷойи ифтихорӣ гардиданд
Нахустин нишасти вазирони маорифи давлатҳои Осиёи Марказӣ баргузор гардид
Донишҷӯи Коллеҷи омӯзгории шаҳри Турсунзода дар олимпиадаи байналмилалии «Англисони ҷавон» ҷойи сеюмро соҳиб гардид
Иштирокчӣ аз Тоҷикистон дар Фестивал-озмуни байналмилалии эҷодиёти кӯдакон ва ҷавонон соҳиби ду Шоҳҷоиза шуд
ДОВТАЛАБОН КАДОМ КАСБРО БОЯД ИНТИХОБ НАМОЯНД? Ҳангоми интихоб лаёқату истеъдодро ба назар гирифтан зарур аст
Чаро дар муассисаҳои таълимӣ раванди таълиму тарбия ва корҳои ободонию интизоми меҳнат риоя намегардад?
«ТОБИСТОН-2025». Барои кӯдакону наврасон 30 истироҳатгоҳи беруназшаҳрӣ омода карда мешавад
Зиёда аз 50 муассисаи таълимии вилояти Суғд бо таҷҳизоти рақамӣ таъмин гардид
