Дар Донишгоҳи миллии Тоҷикистон бо иштироки намояндагони ҷамъиятҳои дӯстӣ ва фарҳангӣ ҳамоиш доир гардид

Октябрь 18, 2023 17:41

ДУШАНБЕ, 18. 10.2023. /АМИТ «Ховар»/. Имрӯз дар Донишгоҳи миллии Тоҷикистон бо ташаббуси Ҷамъияти дӯстӣ ва  равобити фарҳангии Тоҷикистон бо давлатҳои хориҷӣ ҷамъомади ботантана доир  гардид, иттилоъ медиҳад хабарнигори АМИТ «Ховар».

Дар он Ректори Донишгоҳи миллии Тоҷикистон, профессор Қобилҷон Хушвақтзода, Сафири Фавқулода ва Мухтори Федератсияи Русия дар Ҷумҳурии Тоҷикистон Семён  Григорев, намояндагони  Ассотсиатсияи ҳамкории байналмилалии Русия   ва сафоратхонаҳои кишварҳои Иттиҳоди Давлатҳои Мустақил дар Тоҷикистон, инчунин роҳбарон ва фаъолони анҷуманҳои дӯстӣ, намояндагони мақомоту сохторҳои гуногун, роҳбарони муассисаҳои олии таълимӣ, устодону донишҷӯёни Донишгоҳи миллии Тоҷикистон ва Донишгоҳи славянии Русия ва Тоҷикистон иштирок намуданд.

Тазаккур дода шуд, ки раëсати Ҷамъияти дӯстӣ ва равобити фарҳангии Тоҷикистон бо давлатҳои хориҷӣ якҷоя бо 24 анҷумани алоҳидаи худ дар таҳкими ҳамкории бисёрҷонибаи Тоҷикистон бо давлатҳои дигар, махсусан наздикгардонии халқҳову фарҳангҳо, ривоҷи дипломатияи мардумӣ пайваста кӯшиш менамояд ва доираи фаъолияташ бештар густариш меëбад.

Тибқи Созишномаи байни Ассотсиатсияи ҳамкории байналмилалии Русия  ва Ҷамъияти дӯстӣ ва равобити фарҳангии Тоҷикистон ба имзо расида (25 ноябри соли 2022),  моҳи июни имсол дар Москва «Анҷумани дӯстии Русия бо Тоҷикистон» сабти ном шуд.

Зимни ҳамоиш байни «Анҷумани дӯстии Русия бо Тоҷикистон» ва зерсохтори Ҷамъияти дӯстӣ ва равобити фарҳангии Тоҷикистон — «Ҷамъияти дӯстии Тоҷикистон» Созишномаи ҳамкорӣ ба имзо расид.

Баъди ҳамоиш иштирокчиëн бо баъзе аз роҳбарони анҷуманҳои дӯстӣ ва ташкилоти шарики  Ҷамъияти дӯстӣ ва равобити фарҳангии Тоҷикистон мулоқот намуда, ҳамзамон бо ҷойҳои ҷолиби шаҳри Душанбе шинос мешаванд.

 

АКС: АМИТ «Ховар»

Октябрь 18, 2023 17:41

Хабарҳои дигари ин бахш

Дар Донишгоҳи давлатии Кӯлоб дар мавзуи масъалаҳои мубрами забоншиносӣ ва тарҷумашиносӣ конференсияи байналмилалӣ баргузор шуд
Дар Академияи идоракунии давлатӣ барномаҳои стипендиявии Лаҳистон муаррифӣ гардиданд
Дар Донишгоҳи технологии Тоҷикистон татбиқи лоиҳаҳоии CirculEC ва OFINU баррасӣ шуд
Дар Донишгоҳи давлатии Хоруғ оид ба тағйирёбии иқлим ва пешгирии обшавии пиряхҳо ҳамоиши илмӣ доир гардид
Байни Донишгоҳи давлатии омӯзгории Тоҷикистон ва Донишгоҳи миллии илмҳои компютерӣ ва рушдёбандаи Покистон созишномаи ҳамкорӣ ба имзо расид
Академияи идоракунии давлатии Тоҷикистон бо ширкати «Really English»-и Британия ҳамкорӣ менамояд
Вазири маориф ва илми Тоҷикистон дар Конгресси якуми ҷаҳонӣ оид ба таҳсилоти фарогир дар Алмато иштирок намуд
Тоҷикистону Қирғизистон дар самти такмили ихтисоси кормандони соҳаи маориф Ёддошти тафоҳум ба имзо расониданд
Қабули ҳуҷҷатҳо барои иштирок дар Стипендияи байналмилалии «Дурахшандагон» оғоз гардид
Омӯзгорону кормандони соҳаи маориф дар Федератсияи Русия табодули таҷриба намуданд
Оид ба нақши дипломатияи тоҷик дар таҳкими сиёсати хориҷӣ конфронс доир шуд
Дар Донишгоҳи байналмилалии сайёҳӣ ва соҳибкории Тоҷикистон Иди Меҳргонро таҷлил намуданд