Дар Донишгоҳи миллии Тоҷикистон оид ба нақши фолклори тоҷик дар даврони соҳибистиқлолӣ маҳфил доир шуд
ДУШАНБЕ, 03.10.2023 /АМИТ «Ховар»/. Дар Донишгоҳи миллии Тоҷикистон дар мавзуи «Шинохти фолклори тоҷик дар даврони соҳибистиқлолӣ» маҳфили фарҳангӣ баргузор гардид. Дар ин хусус ба АМИТ «Ховар» дар факултети филологияи Донишгоҳи миллӣ хабар доданд.
Дар маҳфил изҳор гардид, ки баъди ба даст овардани Истиқлолияти давлатии Тоҷикистон бо талошҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон ва бо пойдор гардидани сулҳу субот дар мамлакат илми фолклоршиносӣ низ сол то сол рушд ёфт. Олимони тоҷик ҳамвора дастовардҳои гузашта ва имрӯзаи фолклори тоҷикро дар арсаи ҷаҳонӣ муаррифӣ менамоянд.
Ҳамзамон дар маҳфил оид ба нақши Пешвои миллат дар таҳкими забони тоҷикӣ ва омӯзиши он дар сатҳи байламилалӣ, бахусус забони осори фолклорӣ сухан рафт. Иброз гардид, ки ҳоло риштаи нави забоншиносӣ бо номи «Лингвофолклористика» ба вуҷуд омада, дар ин соҳа аввалин китоб аз ҷониби профессор Равшан Раҳмонӣ зери унвони «Лингвофолклористика, этнолигвистика ва фолклор» (Масъалаҳои назарӣ, 2022) ба нашр расидааст.
Иттилоъ дода шуд, ки дар давраи истиқлолият бораи омӯзиш ва пажуҳиши фолклори тоҷикон беш аз 250 рисолаи илмӣ, китобҳои дарсӣ, воситаҳои таълимӣ, барномаю маҷмуаҳо ба нашр расидаанд. Инчунин дар давраи Истиқлолияти Тоҷикистон рисолаҳои илмӣ дар риштаи фолклоршиносӣ бештар дифоъ шудаанд. Дар ин давра кори майдонии донишҷӯён низ фаъол шудааст, ки ҳар сол онҳо ба ин ё он минтақаи ҷумҳурӣ рафта, аз байни мардум фолклор гирд меоранд ва ба бойгонии факултети филологияи Донишгоҳи миллии Тоҷикистон месупоранд.
АКС: Донишгоҳи миллии Тоҷикистон
«ТАВОНО БУВАД, ҲАР КӢ ДОНО БУВАД». Таҳти ин унвон олимпиадаи ҷумҳуриявӣ байни донишҷӯёни муассисаҳои таҳсилоти олии касбӣ оғоз шуд
ТАЪТИЛИ ТОБИСТОНА. Барои босамар ва шавқовар гузаштани он хонандагон ба чӣ кор бояд машғул шаванд?
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
