Дар Душанбе вазъи таъмини муассисаҳои таълимӣ бо омӯзгорон ва дигар масъалаҳои соҳаи маориф баррасӣ шуданд

Октябрь 17, 2023 13:25

ДУШАНБЕ, 17.10.2023. /АМИТ «Ховар»/. Сарраёсати маорифи шаҳри Душанбе ҷиҳати таъмини муассисаҳои таълимии пойтахти мамлакат бо кадрҳои омӯзгорӣ тадбирҳои зарурӣ меандешад. Ин масъаларо масъулин зимни ҷаласаи корӣ дар сарраёсати маорифи пойтахт баррасӣ намуданд. Дар ин хусус ба АМИТ «Ховар» дар Сарраёсати маорифи шаҳри Душанбе хабар доданд.

Ҳамзамон дар ҷаласа масъалаҳои омода намудани хонандагони муассисаҳои таълимии пойтахт ба озмунҳои ҷумҳуриявии «Фурӯғи субҳи доноӣ китоб аст», «Илм-фурӯғи маърифат», «Тоҷикистон-Ватани азизи ман», баргузории корҳои ободонӣ ва омодагӣ ба мавсими ниҳолшинонӣ, баргузор намудани озмуну мусобиқаҳои варзишӣ ва оро додани биноҳои муассисаҳои таълимӣ бо шиору овезаҳои мувофиқ ба мазмуну моҳияти Рӯзи Конститутсияи Ҷумҳурии Тоҷикистон, Рӯзи Президенти Ҷумҳурии Тоҷикистон, Рӯзи Парчами давлатии Ҷумҳурии Тоҷикистон, Иҷлосияи XVI Шурои Олии Ҷумҳурии Тоҷикистон, риояи ахлоқи ҳамидаи инсонӣ ҳангоми муошират бо шаҳрвандон аз ҷониби омӯзгорон ва роҳбарони муассисаҳои таълимии пойтахт, сару либоси тавсиявӣ аз ҷониби омӯзгорону мураббиён ва хонандагон, таҳлили вазъи таъмини муассисаҳои таълимӣ бо кадрҳои омӯзгорӣ ва дигар масъалаҳои ҷорӣ мавриди баррасӣ қарор дода шуданд.

Зимни ҷаласа директорони мактаб-интернатҳои шаҳри Душанбе вобаста ба ҳолати таъмини тарбиягирандагон бо хӯрокворӣ, сару либос, китобу маводи хониш, захираи маводи хӯрокворӣ ва омодагӣ ба давраи тирамоҳу зимистони солҳои 2023-2024 гузориш доданд.

Дар ҷаласа ба масъулин дастур дода шуд, ки ҷиҳати пешгирии муноқишаҳои гурӯҳии хонандагон дар самти иҷрои Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» ва дар ин замина баланд бардоштани ҳисси ватандӯстию ватанпарастии насли наврасу ҷавон дар ҳамкорӣ бо сохторҳои дахлдор корҳои фаҳмондадиҳиро вусъат бахшанд.

АКС: Сарраёсати маорифи шаҳри Душанбе

Октябрь 17, 2023 13:25

Хабарҳои дигари ин бахш

Марҳалаи якуми озмуни довталабон барои дарёфти Стипендияи байналмилалии «Дурахшандагон» доир гардид
Байни Донишгоҳи давлатии Бохтар ва Донишгоҳи забонҳои хориҷии Сиани Чин Ёддошти тафоҳум ба имзо расид
Ҳамкорӣ байни муассисаҳои таҳсилоти олии Тоҷикистон ва Узбекистон таҳким меёбад
Дар шаҳри Хуҷанд ғолибони олипиадаҳо ва омӯзгорони беҳтарин қадршиносӣ шуданд
Донишгоҳи давлатии ҳуқуқ, бизнес ва сиёсати Тоҷикистон бо Донишгоҳи давлатии забонҳои хориҷии Сиани Чин лоиҳаҳои инноватсиониро амалӣ менамоянд
Устодони Донишгоҳи техникии Тоҷикистон дар Форуми табодули истеъдодҳои Осиёи Марказӣ иштирок доранд
«Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2026–2030» муҳокима гардид
Таҳти унвони «Эмомалӣ Раҳмон — қаҳрамони ваҳдати тоҷикон» дар Донишгоҳи давлатии омӯзгории Тоҷикистон ҳамоиш доир шуд
Маркази таълимии забони кореягии Донишгоҳи технологии Тоҷикистон мутахассисони забондонро омода менамояд
35-СОЛАГИИ ИСТИҚЛОЛИ ДАВЛАТӢ. Дар Бадахшон сохтмони 17 бинои муассисаи таълимӣ идома дорад
Даври сеюми Озмуни ҷумҳуриявии «Илм – фурӯғи маърифат» моҳи сентябр баргузор мегардад
Дар шаҳри Гулистон ғолибони олимпиадаҳои ҷумҳуриявӣ ва байналмилалӣ қадрдонӣ карда шуданд