Дар Хонаи дӯстии Ассамблеяи халқҳои Қазоқистон гӯшаи фарҳангии Тоҷикистон ифтитоҳ шуд
ДУШАНБЕ, 07.10.2023 /АМИТ «Ховар»/. Бахшида ба 30-солагии барқарории муносибатҳои дипломатӣ байни Ҷумҳурии Тоҷикистон ва Ҷумҳурии Қазоқистон дар Хонаи дӯстии Ассамблеяи халқҳои Қазоқистон бо ибтикори Сафорати Ҷумҳурии Тоҷикистон дар Ҷумҳурии Қазоқистон гӯшаи фарҳангии Тоҷикистон ифтитоҳ гардид.
АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Қазоқистон иттилоъ медиҳад, ки дар маросими ифтитоҳи гӯшаи фарҳангии Тоҷикистон Сафири Ҷумҳурии Тоҷикистон дар Ҷумҳурии Қазоқистон Хайрулло Ибодзода, сардори Раёсати Осиёи Марказии Вазорати корҳои хориҷии Ҷумҳурии Қазоқистон Темирбек Каппасов ва намояндаи ҳукумати шаҳри Остона сухан намуданд.
Ҳамчунин дар ҳамоиш намояндагони корпуси дипломатии муқими Қазоқистон ва ҷамъияти тоҷикон иштирок намуданд.
Сафири Тоҷикистон Хайрулло Ибодзода оид ба эҳё ва рушди мероси фарҳангии тоҷикон сухан намуда, иброз дошт, ки ҳадаф аз таъсиси гӯшаи фарҳангииТоҷикистон муаррифии фарҳанги мардуми тоҷик, расму ойин ва дигар анъанаҳои миллӣ мебошад.
Дар гӯшаи фарҳангии Тоҷикистон дар шаҳри Остона сӯзанӣ, созҳои мардумӣ, либосҳои миллӣ аз атлас, гулдӯзӣ, чакан, ҳунари кандакорӣ, расмҳои манзараҳои Тоҷикистон ва ҳунарҳои мардумӣ ба маъраз гузошта шуданд.
АКС: Сафорати Ҷумҳурии Тоҷикистон дар Ҷумҳурии Қазоқистон
Дар Женева тақвияти ҳамкории Тоҷикистон бо Созмони умумиҷаҳонии сайёҳӣ баррасӣ гардид
Ҳамкории Тоҷикистон ва Қатар дар соҳаҳои илму маориф баррасӣ шуд
Шараф Шерализода зарурати таҳкими ҳамкориро дар доираи Созмони умумиҷаҳонии савдо таъкид намуд
Намояндаи Тоҷикистон дар ҷаласаи 16-уми Конфронси СММ оид ба савдо ва рушд иштирок намуд
Ҳамкории Тоҷикистон бо Созмони Милали Муттаҳид баррасӣ гардид
Шурои Фонди глобалии ҷалби ҷомеа ва устуворӣ барои Тоҷикистон грант ҷудо намуд
Сафири Тоҷикистон бо Вазири тиҷорати хориҷии Амороти Муттаҳидаи Араб мулоқот намуд
Таҳкими ҳамкории Тоҷикистон ва Арабистони Саудӣ дар самти ҳифзи ҳуқуқи инсон баррасӣ шуд
Сафири Тоҷикистон бо Вазири нафти Давлати Кувайт мулоқот намуд
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
