Дар Осорхонаи миллии Тоҷикистон машғулияти байналмилалии CollAsia – 2023 ба анҷом расид
ДУШАНБЕ, 07.10.2023 /АМИТ «Ховар»/. 6 октябр дар Муассисаи давлатии «Осорхонаи миллӣ» машғулияти байналмилалии омӯзишӣ таҳти унвони «Қоидаҳои илмии нигоҳубини коллексияҳо (CollAsia 2023)», ки 18 сентябр оғоз ёфта буд, дар фазои тантанавӣ ба анҷом расид. Дар ин хусус ба АМИТ «Ховар» дар Осорхонаи миллии Тоҷикистон иттилоъ доданд.
Директори Муассисаи давлатии “Осорхонаи миллӣ”-и Дастгоҳи иҷроияи Президенти Ҷумҳурии Тоҷикистон Зафаршо Иброҳимзода ба намояндагони давлатҳои дуру наздик баҳри иштироки фаъолона изҳори сипос намуда, гуфт, ки ин машғулият ба густариш додани ҳамкорӣ заминаи мусоид мегузорад.
Директори генералии Маркази байналмилалии тадқиқотӣ оид ба ҳифз ва барқарорсозии мероси фарҳангӣ Веббер Ндоро иброз намуд, ки ин машғулият саводнокии илмӣ, иқтидори иштирокчиён ва муассисаҳои онҳоро баланд бардошта, имкон медиҳад, ки онҳо падидаҳои вайроншавии коллексияи меросашонро зуд дарк ва устуворона идора намоянд.
Котиби масъули Комиссияи миллии Ҷумҳурии Тоҷикистон оид ба корҳои ЮНЕСКО Зулфия Бурҳон изҳор намуд, ки ҳамкорӣ байни сохторҳои марбутаи Ҷумҳурии Тоҷикистон ва Маркази байналмилалии тадқиқотӣ оид ба ҳифз ва барқарорсозии мероси фарҳангӣ боз ҳам густариш меёбад.
Барои иштирок дар Машғулияти байналмилалии омӯзишии «Қоидаҳои илмии нигоҳубини коллексияҳо (CollAsia 2023)» ба иштирокчиён Гувоҳнома дода шуд.
Ёдовар мешавем, ки машғулият бо ташаббуси Муассисаи давлатии “Осорхонаи миллӣ” дар якҷоягӣ бо Маркази байналмилалии тадқиқотӣ оид ба ҳифз ва барқарорсозии мероси фарҳангӣ (ICCROM) ва шарикии Институти миллии тадқиқотии мероси фарҳангии Ҷумҳурии Корея (NRICH) ва Маъмурияти мероси фарҳангии Ҷумҳурии Корея (CHA) аз 18 сентябр то 6 октябр маротибаи нахуст дар байни давлатҳои Осиёи Миёна дар Тоҷикистон баргузор гардид.
Машғулият тавассути маърузаҳои сатҳи баланди интерактивӣ, дарсҳои амалӣ, аз ҷумла кори гурӯҳӣ ва боздидҳои омӯзишӣ гузаронида шуда, иштироки кормандони бахшҳои гуногун ва фарҳангҳои мухталиф муҳити мусоид фароҳам овард, то муошират ва иштироки муассир таъмин гардад. Давоми машғулият бо истифода аз захираҳои мавҷуда ва ташаббусҳои дахлдор алоқамандӣ байни илм ва нигоҳубини коллексияҳо дар заминаи маҳаллӣ омӯхта шуд.
Дар машғулият иштирокчиён дар мисоли муассисаҳои худ сатҳу раванди омӯзиш, табодули таҷрибаҳои дахлдори давлатҳо, пешниҳоди лоиҳа оид ба беҳтар намудани нигоҳубини коллексияҳо ва устуворӣ дар муассисаҳои худро, ки тавассути истифодаи усулҳои илмӣ амалӣ мегарданд, баён намуданд.
Дар доираи машғулияти байналмилалӣ мутахассисони ботаҷриба аз Ҷопон, Дания, Малайзия ва Сербия ба иштирокчиён дарс доданд.
АКС: Осорхонаи миллии Тоҷикистон
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
