Дар Шаҳринав ғолибони озмунҳои «Тоҷикистон-Ватани азизи ман» ва «Фурӯғи субҳи доноӣ китоб аст» қадрдонӣ шуданд
ДУШАНБЕ, 14.10.2023 /АМИТ «Ховар»/. 12 октябр дар Мақомоти иҷроияи ҳокимияти давлатии ноҳияи Шаҳринав маросими қадршиносиву ҳавасмандгардонии ғолибони даври ҷумҳуриявии Озмуни «Тоҷикистон-Ватани азизи ман» ва даври ноҳиявию минтақавии Озмуни «Фурӯғи субҳи доноӣ китоб аст» баргузор гардид, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Шаҳринав.
Таъкид гардид, ки бо ибтикор ва ташаббусҳои хирадмандонаи Президенти Ҷумҳурии Тоҷикистон муҳтарам Эмомалӣ Раҳмон баргузории якчанд озмуни ҷумҳуриявӣ, аз ҷумла «Фурӯғи субҳи доноӣ китоб аст», «Илм-фурӯғи маърифат», ««Тоҷикон»-оинаи таърихи миллат» ва «Тоҷикистон-Ватани азизи ман» ба болоравии сатҳи маърифату маънавиёти мардум мусоидат намуда, сабаби зиёдшавии теъдоди китобхонону китобдӯстдорон гардидааст. Зеро китоб дар рушду инкишофи тафаккури миллӣ ва таҳкими истиқлолият нақши басе бузург дорад.
Дар даври ноҳиявии Озмуни ҷумҳуриявии «Фурӯғи субҳи доноӣ китоб аст» 2 ҳазору 464 нафар иштирокчӣ сабт шуда, аз ин шумора 48 нафар ба даври минтақавӣ роҳ ёфта, 7 нафари дигар ба даври ҷумҳуриявӣ роҳхат гирифт.
Мояи ифтихор ва сарфарозӣ аст, ки дар даври ҷумҳуриявии Озмуни «Тоҷикистон-Ватани азизи ман», ки аз 1 то 5 октябр доир гардид, аз ноҳияи Шаҳринав 4 нафар ғолиб шуда, соҳиби ҷоиза ва мукофотҳои пулӣ гардиданд.
Пиров Амрулло- сазовори ҷойи 1-ум дар номинатсияи навозандагӣ, жанри эстрадӣ ба маблағи 35 ҳазор сомонӣ, Манижа Аҳматова- сазовори ҷойи 3-юм дар номинатсияи дизайн, жанри дизайни мӯд ва бофандагии бадеӣ, Амриддин Мукаррамов- сазовори ҷойи 3-юм дар номинатсияи сарояндагӣ, жанри анъанавӣ ва Фирӯзҷон Маҷидов- сазовори 3-юм дар номинатсияи композиторӣ, жанри академӣ- ҳар кадомашон соҳиби 15 ҳазор сомонӣ маблағ гардиданд.
Дар фарҷом ба иштирокдорону ғолибони озмунҳо Сипоснома, Ифтихорнома ва туҳфаҳои пулии Мақомоти иҷроияи ҳокимияти давлатии ноҳияи Шаҳринав супорида шуд.
АКС: Мақомоти иҷроияи ҳокимияти давлатии ноҳияи Шаҳринав
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
РӮЗИ БАЙНАЛМИЛАЛИИ ЗАРГАР. Мардуми тоҷик давоми ҳазорсолаҳо бо санъати заргарии худ шуҳрат пайдо кардааст.
НИШАСТИ МАТБУОТӢ. «Феҳристи номҳои миллии тоҷикӣ» дар таҳрири нав таҳия шудааст
НИШАСТИ МАТБУОТӢ. Соли 2026 филмҳои миллӣ дар платформаи нави синамоии «tojikfilm.tv» намоиш дода мешаванд
Китоби «Фарҳанги имлои забони тоҷикӣ» ба нашр расид
Дар Осорхонаи миллӣ дастовардҳои ғолибони озмуни «Тоҷикистон — Ватани азизи ман» ба намоиш гузошта шуд
