ДАЪВАТИ ТИРАМОҲӢ. Ҷамоатҳои деҳоти Ворух ва Чоркӯҳи шаҳри Исфара нақшаи даъвати ҳарбиро ҷамъбаст намуданд
ДУШАНБЕ, 01.10.2023 /АМИТ «Ховар»/. Дар рӯзи нахустини даъвати тирамоҳии ҷавонон ба сафи Артиши миллӣ нақшаи даъват дар ҷамоатҳои деҳоти Ворух ва Чоркӯҳи шаҳри Исфара барзиёд таъмин гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Исфара хабар доданд.
Муддати панҷ сол аст, ки дар рӯзи аввал нақшаи даъват дар Ҷамоатҳои деҳоти Ворух ва Чоркӯҳи шаҳри Исфара барзиёд иҷро карда мешавад. Ин дастовард аз ҳисси баланди ватандӯстӣ, ифтихори миллӣ, худогоҳиву хештаншиносӣ ва нишонаи татбиқи сиёсати оқилона ва дурандешонаи Асосгузори сулҳу ваҳдати миллӣ – Пешвои миллат Президенти Ҷумҳурии Тоҷикистон муҳтарам Эмомалӣ Раҳмон дар шароити Ворух ва Чоркӯҳ далолат менамояд.
Дар ҷамъомади тантанавӣ аз ҷониби масъулини Мақомоти иҷроияи ҳокимияти давлатии шаҳри Исфара таъкид гардид, ки қабули Қонуни Ҷумҳурии Тоҷикистон «Дар бораи тарбияи ватандӯстии шаҳрвандон» дар ниҳоди хурду бузург муҳаббат ба Ватан, садоқат ба ин сарзамин ва ҳисси ватандӯстии ҷавононро дучанд намудааст.
Гуфта шуд, ки солҳои охир дар Ҷамоатҳои деҳоти Чоркӯҳ ва Ворухи шаҳри Исфара ба масъалаи тарбияи ҷавонон дар рӯҳияи ватандӯстӣ ва ифтихори миллӣ таваҷҷуҳи хосса зоҳир мегардад. Дар ҳар оила ҷавонони сини даъватӣ бо хоҳиши худ ба хизмати ҳарбӣ равона мешаванд. Ин нишонаи возеҳи дӯстдории Ватан-Модар ва ҷонибдорӣ аз сиёсати пешгирифтаи Ҳукумати мамлакат мебошад.
Вазъи зудтағйирёбандаи ҷаҳон тақозо менамояд, ки мо аз ҳарвақта дида, зиёдтар ватандӯст бошем, барои ҳимояи марзу бум, ҳифзи дастовардҳои замони соҳибистиқлолӣ ва ҳар як ваҷаб замини диёри аҷдодиамон ҳамеша омода бошем. Ин масъулиятро диловарони ҷамоатҳои деҳоти Ворух ва Чоркӯҳи шаҳри Исфара хуб дарк намуда, ҳар сол ихтиёран ба хизмати ҳарбӣ сафарбар мешаванд. Ташаббуси ҷавонмардонаи диловарони Ворух ва Чоркӯҳ намунаи ибрати насли ҷавон буда, ҷавонони синни даъватии дигар минтақаҳои мамлакат ба онҳо пайравӣ менамоянд.
Бо ташаббуси Мақомоти иҷроияи ҳокимияти давлатии шаҳри Исфара ба ҷавонони ҷамоатҳои деҳоти Ворух ва Чоркуҳ, ки ба курсҳои кӯтоҳмуддати ронандагӣ фаро гирифта шуда буданд, имрӯз дар вазъияти тантанавӣ шаҳодатномаҳои ронандагӣ супорида шуданд.
Чорабинии гусели наваскарон дар шаҳри Исфара бо иҷрои тамоми анъанаҳои дерини он баргузор гардид. Дар ҳузури иштирокдорон, фаъолони аҳли ҷамоатчигӣ, волидони наваскарон бо туҳфаҳои идона қадрдонӣ карда шуданд. Барномаи рангини фарҳангӣ ба ин чорабинӣ шукӯҳу шаҳомати хоса бахшид, ҷавонони Ворух ва Чоркӯҳ бо сарфарозӣ ва ифтихори баланди миллӣ ба хизати ҳарбӣ гусел карда шуданд.
АКС: АМИТ «Ховар»
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
«МУҚОВИМАТ БО КОРРУПСИЯ ДАР СОҲАИ ТИҶОРАТ». Дар Душанбе таҳти ин унвон форуми байналмилалӣ баргузор мешавад
Дар Душанбе оид ба усулҳои нави ҷамъоварии маълумот дар самти муқовимат ба савдои одамон ҷаласа доир шуд
Нақшаи даъвати тирамоҳии шаҳрвандони Тоҷикистон ба сафи Артиши миллӣ пурра иҷро гардид
Ҳайати Тоҷикистон дар конференсияи 26-уми байналмилалии раисони судҳои олии кишварҳои ҷаҳон иштирок намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 900 ҳодисаи сӯхтор ба қайд гирифта шудааст
Нақшаи даъвати ҳарбӣ дар Тоҷикистон 98 фоиз иҷро гардид
Милитсияи пойтахт дар муассисаҳои таълимӣ 115 ҳолати истеъмоли чилим ва сигорҳои электрониро ошкор намуд
