Донишгоҳи байналмилалии забонҳои хориҷии Тоҷикистон бо муассисаҳои олии Беларус созишномаи ҳамкорӣ ба имзо расонид
ДУШАНБЕ, 09.10.2023 /АМИТ «Ховар»/. Дар доираи Форуми дуюми ректорони муассисаҳои таҳсилоти олии касбии Тоҷикистон ва Беларус байни Донишгоҳи байналмилалии забонҳои хориҷии Тоҷикистон ба номи Сотим Улуғзода ва ду муассисаи олии Ҷумҳурии Беларус: — Донишгоҳи давлатии Барановия ва Донишгоҳи забоншиносии шаҳри Минск оид ба тақвияти имконоти илмию таҳсилотӣ ва пажуҳишию инноватсионии тарафайн созишномаҳои ҳамкорӣ ба имзо расонида шуданд. Дар ин хусус АМИТ «Ховар» бо истинод ба ин донишгоҳ хабар медиҳад.
Бояд гуфт, ки масъалаи таъсиси кафедра ва факултетҳои муштарак дар назди Донишгоҳи байналмилалии забонҳои хориҷии Тоҷикистон бо муассисаҳои самти фаъолияташон мувофиқ бо ихтисосҳои амалкунандаи муассиса мавриди омӯзиш ва баррасӣ қарор гирифт.
Ёдовар мешавем, ки 5-6 октябр дар шаҳри Минск бо ташаббуси Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Беларус Форуми дуюми ректорони муассисаҳои таҳсилоти олии касбии Тоҷикистон ва Беларус баргузор гардид, ки дар он роҳбарияти Вазорати маориф ва илми Ҷумҳурии Тоҷикистон, Вазорати маорифи Ҷумҳурии Беларус ва 75 ректори муассисаҳои таҳсилоти олии касбии ҷумҳуриҳои Тоҷикистон ва Беларус иштирок доштанд.
Дар қисмати ифтитоҳии форум Вазири маориф ва илми Ҷумҳурии Тоҷикистон баён дошт, ки маҳз натиҷаи сиёсати хирадмандонаи Сарони давлатҳои Тоҷикистон ва Беларус аст, ки ҳамкории дуҷониба дар самти илму маориф рӯз то рӯз рушд менамояд.
Форум дар шаҳри Минск ду рӯз идома ёфта, баргузории он ба дурнамои рушди босамари дуҷониба дар соҳаи илму маориф мусоидат менамояд.
АКС: Донишгоҳи байналмилалии забонҳои хориҷии Тоҷикистон ба номи Сотим Улуғзода
Дар Донишгоҳи давлатии омӯзгории Тоҷикистон бахшида ба Рӯзи Артиши миллӣ ҳамоиши фарҳангӣ баргузор гардид
Ҷаласаи кории ҳайати комиссияи ҷумҳуриявии озмуни «Шоҳномахонӣ» баргузор шуд
Зиракии сиёсӣ ва худшиносии миллӣ-омили муқовимат ба таҳдидҳои замони муосир
«КИТОБ — БЕҲТАРИН АРМУҒОН». Ба китобхонаи Донишгоҳи давлатии ҳуқуқ, бизнес ва сиёсати Тоҷикистон беш аз 200 китоб тақдим гардид
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
