Донишгоҳи давлатии Хуҷанд бо муассисаҳои олии бонуфузи Олмон ҳамкории илмию фарҳангӣ дорад

Октябрь 18, 2023 18:29

ДУШАНБЕ, 18.10.2023 /АМИТ «Ховар»/. Сафири Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон Йорк Шуграф бо фаъолияти Донишгоҳи давлатии Хуҷанд ба номи академик Бобоҷон Ғафуров шинос шуд, хабар медиҳад АМИТ «Ховар» бо истинод ба ин донишгоҳ.

Ректори донишгоҳ дар бораи равандҳои фаъолияти донишгоҳ, иқтидору натиҷаҳои фаъолияти кафедраи забони олмонӣ дар самти тайёр намудани кадрҳои баландихтисос сухан гуфта, таъкид намуд, ки дар доираи барномаҳои байналмилалии Иттиҳоди Аврупо, аз қабили TEMPUS, ERASMUS + ва дигар барномаҳо донишгоҳ бо муассисаҳои олии бонуфузи мамлакатҳои аъзои Иттиҳоди Аврупо, махсусан Олмон ҳамкории илмию фарҳангӣ дорад.

Донишгоҳ бо 5 муассисаи олии Олмон ҳамкории дуҷониба намуда, ҷиҳати ба имзо расонидани боз ду лоиҳаи шартномаи ҳамкорӣ бо донишгоҳҳои Фрайбург ва Кёлни Олмон иқдом дорад.

Дар мулоқот масоили табодули таҷрибаи омӯзгорон ва такмили ихтисос, бозомӯзиҳо, ташкили симпозиум ва конфронсҳо мавриди баррасӣ қарор гирифт.

Сафир Йорк Шуграф барои пазироии самимӣ ва вохӯрии судманд изҳори сипос намуда, барои таҳкими ҳамкорӣ изҳори омодагӣ намуд.

Дар идома дар факултети забонҳои хориҷӣ бо устодону донишҷӯёни факултет суҳбати самимиву озод доир гардид.

АКС: Донишгоҳи давлатии Хуҷанд ба номи академик Бобоҷон Ғафуров

Октябрь 18, 2023 18:29

Хабарҳои дигари ин бахш

«ФУРӮҒИ СУБҲИ ДОНОӢ КИТОБ АСТ». Бо ташаббуси Пешвои миллат иштирокчиёни озмун соҳиби имтиёз мешаванд
Конфронси IV байналмилалии «Донишгоҳҳо ҳамчун марказҳои нави илм, тиҷорат ва ҷомеа» баргузор мегардад
Озмуни «Фурӯғи субҳи доноӣ китоб аст» мактаби дониш, ҷаҳонбинӣ ва худшиносӣ мебошад
Ба донишҷӯёни Донишгоҳи техникӣ касбҳои соҳаи хоҷагии обро тарғиб намуданд
Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд