ХИЗМАТ БА ВАТАН ШАРАФИ БУЗУРГ АСТ. Дар Мастчоҳ ҷавонон ба сафи Артиши миллӣ гусел карда шуданд
ДУШАНБЕ, 06.10.2023 /АМИТ «Ховар»/. 3 октябр дар майдони Парчами давлатии маркази ноҳияи Мастчоҳ — шаҳраки Бӯстон ҳамоиши тантанавӣ ба муносибати гусели аввалин гурӯҳи ихтиёрии ҷавонони синни даъватӣ баргузор гардид. Дар ин хусус АМИТ «Ховар» бо истинод ба Дафтари матбуоти Раиси ноҳияи Мастчоҳ хабар медиҳад.
Дар маросими гусели наваскарон раиси ноҳия Аъзам Ализода, сардори Саридораи геологияи назди ҳукумати Ҷумҳурии Тоҷикистон Илҳомҷон Оймуҳаммадзода, комиссари ҳарбӣ, роҳбарони мақомоти ҳифзи ҳуқуқ, раисони ҷамоатҳои шаҳраку деҳот ва падару модарони даъватшудагон иштирок доштанд.
Сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода иброз дошт, ки имрӯз як гурӯҳ ҷавонон ихтиёран ба мактаби ҳақиқии ҷавонмардӣ — ба сафи Қувваҳои Мусаллаҳи Ҷумҳурии Тоҷикистон равон мешаванд. Хизмат ба Ватан барои ҳар ҷавонмард ифтихор ва шарафи бузург ба ҳисоб меравад. Ҷавонони ноҳияи Мастчоҳ дастгирию ғамхориҳои пайвастаи Роҳбари давлатмонро ба хубӣ дарк намуда, сиёсати хирадмандонаю созандаашонро эҳсос менамоянд.
«Имрӯз ҷавонони мо дар қимсҳои низомии ҷумҳурӣ танҳо ба хотири ҳимояи марзу бумамон, бақои давлати миллӣ ва пойдории истиқлоли давлатӣ софдилонаю садоқатмандона хизмат менамоянд. Ҷавонони мо набояд фаромӯш созанд, ки дар кадом қисми низомие, ки хизматро адо менамоянд, дӯстдори Ватану сарзамини биҳиштосои худ бошанд»,- афзуд Илҳомҷон Оймуҳаммадзода.
Раиси ноҳияи Мастчоҳ миннатдории самимии худ ва мақомоти иҷроияи ҳокимияти давлатии ноҳияро ба падару модарон ва ҷавононе, ки бо амри дилу виҷдон ба сафи Қувваҳои Мусаллаҳи Тоҷикистон барои адои хизмати ҳарбӣ мераванд, баён намуда, иброз дошт, ки «дар ин айём ҳифзи марзу буми Ватан, соҳибихтиёрию соҳибистиқлолӣ ва амнияту оромии ҷомеа аҳамияти муҳим пайдо намуда, ҳамаи мо масъул ва вазифадор ҳастем, ки баҳри ҳимояи Ватани маҳбубамон ҳамеша саъю талош намоем».
Бояд гуфт, ки дар маъракаи даъвати тирамоҳӣ Ҷамоати деҳоти Навбаҳори ноҳияи Мастчоҳ аз аввалинҳо шуда, маъракаи даъватро сарбаландона иҷро намуд. Ба ин муносибат дар ҳамоиши имрӯза аз номи Мақомоти иҷроияи ҳокимияти давлатии ноҳия ба раиси ҷамоати мазкур Сипоснома ва мукофоти пулӣ тақдим шуд.
Дар фарҷом ба даъватшудагоне, ки бо дастгирии Мақомоти иҷроияи ҳокимияти давлатии ноҳияи Мастчоҳ дар Ташкилоти ҷамъиятии мададгори мудофиаи Ҷумҳурии Тоҷикистон дар ноҳия даври ронандагиро давоми ду моҳи охир омӯхтанд, дар вазъияти тантанавӣ шаҳодатномаи ронандагӣ супурда шуд.
Барномаи консертии бахши фарҳанги ноҳия ба маросим шукуҳи бештар бахшид.
АКС: Дафтари матбуоти Раиси ноҳияи Мастчоҳ
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
Ҳимояи марзу бум вазифаи ҷонии ҳар афсару сарбоз ва сокини ифтихорманди Тоҷикистон мебошад
Дар Норак даври шаҳрии озмуни вилоятии ҳарбӣ-варзишии «Ватанпарвар» ҷамъбаст шуд
32-СОЛАГИИ ҚУВВАҲОИ МУСАЛЛАҲИ ТОҶИКИСТОН. Дӯст доштани Ватанро бо хизмати содиқонаю софдилона ба он собит намоем
