«ИЛМ — ФУРӮҒИ МАЪРИФАТ». Донишҷӯёни Донишгоҳи давлатии омӯзгории Тоҷикистон соҳиби 6 ҷойи ифтихорӣ шуданд

 ДУШАНБЕ, 31.10.2023. /АМИТ «Ховар»/. Дастаи Донишгоҳи давлатии омӯзгории Тоҷикистон ба номи Садриддин Айнӣ дар даври ҷумҳуриявии озмуни «Илм-фурӯғи маърифат» 1 ҷойи якум, 2 ҷойи дуюм ва 3 ҷойи сеюм ба даст оварда, дар байни муассисаҳои олии мамлакат дар ҷойи дуюм қарор гирифтанд. Дар ин хусус ба АМИТ «Ховар» дар Донишгоҳи давлатии омӯзгории Тоҷикистон хабар доданд.

Даври чоруми Озмуни ҷумҳуриявии «Илм – фурӯғи маърифат» аз 23 то 27 октябр баргузор шуда, дар даври ниҳоии он аз рӯи 7 номинатсия аз шаҳри Душанбе 132 нафар, Вилояти Мухтори Кӯҳистони Бадахшон- 79 нафар, вилояти Хатлон- 128 нафар ва вилояти Суғд- 120 нафар, аз шаҳру ноҳияҳои тобеи ҷумҳурӣ 120 нафар иштирок намуданд.

Озмуни ҷумҳуриявии «Илм – фурӯғи маърифат» бо ташаббуси  Президенти мамлакат  муҳтарам Эмомалӣ Раҳмон баҳри амалӣ намудани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) соли сеюм аст, ки дар саросари ҷумҳурӣ баргузор мегардад.

АКС: Донишгоҳи давлатии омӯзгории Тоҷикистон ба номи Садриддин Айнӣ