Маркази тадқиқоти стратегии Тоҷикистон бо Институти байналхалқии тадқиқотии Исломобод ҳамкории муштаракро амалӣ менамояд
ДУШАНБЕ, 07.10.2023 /АМИТ «Ховар»/. 6 октябр дар Маркази тадқиқоти стратегии назди Президенти Ҷумҳурии Тоҷикистон мулоқоти директори Марказ Хайриддин Усмонзода бо намояндаи Институти байналхалқии тадқиқотии Донишкадаи мусалмонӣ (Исломобод) Асиф Танвир Аван баргузор гардид, ки дар он ҷонибҳо оид ба ҳамкории муштарак ва тавсеаи робитаҳои илмӣ-таҳлилӣ табодули назар намуданд. Дар ин хусус АМИТ «Ховар» бо истинод ба Хадамоти матбуоти ин марказ хабар медиҳад.
Дар мулоқот иброз шуд, ки Маркази тадқиқоти стратегӣ ҳамчун ниҳоди таҳлилӣ ва машваратӣ масъалаҳои мубрам ва стратегиро мавриди таҳлил ва омӯзиш қарор медиҳад. Марказ ҳангоми пешбурди фаъолияти худ бо марказҳои зеҳнии давлатҳои минтақа ва ҷаҳон ҳамкорӣ намуда, дар чаҳорчӯби равобити дуҷониба ҳамоишу конфронсҳои муштарак баргузор менамояд. Инчунин бо созмонҳои минтақавӣ ва байналмилалӣ ҳамкории фарогир амалӣ менамояд.
Дар доираи ҳамкории марказ бо ниҳодҳои дигари зеҳнии минтақа ва ҷаҳон пайгирӣ ва баррасии мавзуъҳои ҳифзи суботи сиёсӣ, таъмини амнияти миллӣ, таъмини рушди устувори иқтисодӣ, коркарди воситаҳои муосири пешгирӣ ва бартарафсозии хатару таҳдидҳои муосир мақоми афзалиятнокро соҳиб мебошанд.
Тазаккур дода шуд, ки чанд соли охир муносибатҳои дуҷонибаи Тоҷикистон ва Покистон тақвият меёбад. Тоҷикистон ва Покистон дар самтҳои гуногуни сиёсӣ, иқтисодӣ, фарҳангӣ, амниятӣ, энергетикӣ ва ғайра ҳамкории фаъол доранд. Муносибатҳои мутақобилан судманди дипломатӣ байни Ҷумҳурии Тоҷикистон ва Ҷумҳурии Исломии Покистон марҳила ба марҳила тақвият меёбанд, ки дар ин раванд нақши Роҳбарони олии ҳарду давлат хеле бузург аст.
Намояндаи Институти байналхалқии тадқиқотии Донишкадаи мусалмонӣ (Исломобод) аз пазироии самимӣ изҳори сипос намуда, иброз дошт, ки Институти байналхалқии тадқиқотии Донишкадаи мусалмонӣ (Исломобод) ниҳоди таҳлилии ғайриҳукуматӣ, ғайрисиёсӣ ва ғайритиҷоратӣ мебошад, ки ба пешбурди сулҳ, субот, шукуфоӣ ва роҳбарӣ дар ҷаҳони мусулмон машғул аст. Институт муҳаққиқон, зиёиён ва сиёсатмадоронро барои таҳлили ҳамаҷонибаи масъалаҳои мавҷудаи иҷтимоӣ, сиёсӣ, иқтисодӣ, фарҳангӣ ва амниятӣ муттаҳид менамояд.
Ҳамзамон намояндаи Институт пешниҳод намуд, ки ҷонибдори табодули таҷриба, баргузор намудани конфронсҳо ва ҳамоишҳои муштарак бо ин Марказ мебошанд.
Изҳори хоҳиш шуд, ки байни Маркази тадқиқоти стратегӣ ва Институти байналхалқии тадқиқотии Донишкадаи мусалмонӣ (Исломобод) Ёддошти тафоҳуми ҳамкорӣ ба имзо расонида шавад. Директори Марказ пешниҳодҳоро муҳим ва ба нафъи равобити дуҷонибаи илмӣ – таҳлилии ду давлат маънидод намуд.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
