Муассисаҳои таълимии ноҳияи Роштқалъа ба мавсими зимистон омода гардидаанд
ХОРУҒ, 22.10.2023 /АМИТ «Ховар»/. Масъулини муассисаи таҳсилоти миёнаи умумии рақами 26 ба номи Ширин Бунёд дар ноҳияи Роштқалъа аз аввали фасли тобистон ба фасли зимистон омодагӣ дида, дару тирезаҳоро таъмир ва маводи кофии сӯзишвориро дар анбор захира намуданд.
Директори ин муассисаи таълимӣ Ҳокимшо Хиромонов ба мухбири минтақавии АМИТ «Ховар» Файз Мирасан гуфт, ки «зимистони манотиқи кӯҳистон сарду сербориш ва назар ба дигар минтақаҳои мамлакат тӯлонитар аст. Илова бар ин ангиштсанг аз ноҳияҳои тобеи марказ интиқол дода мешавад, ки муҳлати бештарро тақозо менамояд. Аз ин рӯ омодагӣ ба ин фасли сол барвақт оғоз ёфта, то охири моҳи октябр идома меёбад. Мутобиқи меъёри қабулшуда барои гарм намудани як синфхона дар як рӯз 12 килограмм ангиштсанг сарф мешавад. Ҳоло дар анборхона қариб 310 тонна ангиштсанг ва 45 метри кубӣ ҳезум захира шудааст, ки барои паси сар намудани фасли сармо кофӣ мебошад».
Корманди масъули шуъбаи маорифи ин ноҳия Гулбоз Қадамов гуфт, ки «мақомоти иҷроияи ҳокимияти давлатии ноҳия баҳри фаъолияти самарабахши муассисаҳои таълимӣ тадбирҳои саривақтӣ андешида, барои омода намудани соҳаи маориф ба фасли тирамоҳу зимистон тадбирҳои заруриро амалӣ намуд. То имрӯз зиёда аз 750 ҳазор килограмм ангиштсанг ва қариб 800 метри кубӣ ҳезум дар анборҳо захира шудааст. Дар муассисаҳои таълимии қисмати болоии ноҳия аз даҳаи якуми моҳи октябр мавсими гармкунии синфхонаҳо сар шуд. Аз ин рӯ як моҳ пеш ҳамаи таълимгоҳҳо бо маводи сӯзишворӣ таъмин гардиданд».
АКС: АМИТ «Ховар»
Донишгоҳи технологии Тоҷикистон соҳиби аккредитатсияи байналмилалии институтсионалӣ гардид
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар даври сеюми имтиҳонҳои марказонидаи дохилшавӣ беш аз 16 ҳазор нафар донишҷӯ шуданд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
Дар Донишгоҳи давлатии Хоруғ ду маркази муосири таълимӣ ба истифода дода шуд
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
