ҲОМИЁНИ ДАВЛАТИ ОБОДЕМ! Дар ноҳияи Ашт маъракаи даъвати тирамоҳӣ оғоз гардид
СУҒД, 03.10.2023 /АМИТ «Ховар»/. 2 октябр дар майдони Парчами давлатии Ҷумҳурии Тоҷикистон дар ноҳияи Ашт маросими ботантанаи гусели наваскарон ба сафи Қувваҳои Мусаллаҳи Ҷумҳурии Тоҷикистон баргузор гардид, хабар медиҳад мухбири минтақавии АМИТ «Ховар» Саъдулло Маҳкам бо истинод ба Хадамоти матбуоти Раиси ноҳияи Ашт.
Тибқи Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1996 — 2005» бо камоли ифтихор даъватшудагони зиёде аз ноҳияи Ашт ба хизмат ба сафи Қувваҳои Мусаллаҳи Тоҷикистон гусел гардиданд.
Дар маросими гусели наваскарони ихтиёрӣ Раиси ноҳияи Ашт Шуҳрат Муҳаммадзода, муовинон, сардори комиссариати ҳарбӣ, роҳбарони мақомоти ҳифзи ҳуқуқ, роҳбарони ташкилоту идораҳо, мудирони шуъбаву бахшҳои мақомоти иҷроияи ҳокимияти давлатии ноҳия, раисони ҷамоатҳои шаҳраку деҳоти ноҳия, сарбозони қисмҳои низомии ноҳия ва падару модари даъватшудаҳо иштирок намуданд.
«Мо боварӣ дорем, ки ин ҷавонмардон бо одоби намунавӣ ва хизматҳои шоиста дар сафи Қувваҳои Мусаллаҳ дар таъмини амният, ҳифзи марзу бум ва сулҳу суботи мамлакат садоқати худро ба давлат ва мардуми Тоҷикистон дар амал нишон медиҳанд»,- иброз дошт Раиси ноҳияи Ашт.
Зимни ироаи Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» иброз гардид, ки «ҷавонони Тоҷикистони соҳибистиқлол неруи созандаи Ватан буда, нақши онҳо дар тараққиёти ҳамаи соҳаҳои давлат ва ҷомеа бисёр арзишманд ва назаррас мебошад. Мо бо ҷавонони худ ифтихор дорем, зеро онҳо дар рушди давлат ва ободии Ватан фаъолона саҳм мегузоранд, марзу буми аҷдодиро ҳимоя менамоянд, ватандӯсту ватанпараст, бонангу номус ва ба халқи Тоҷикистон содиқ мебошанд».
Зимни ҷамъомад ба даъватшавандагон шаҳодатномаи ронандагӣ тақдим гардид.
Баромади сарбозони қисмҳои низомӣ, хонандагон, саҳнача, рақсҳои ҷаззобу сурудҳои дилнишин таъби ҳозиринро болида намуд.
Ҳамзамон барои сиҳату саломат ба назди волидайн баргаштани наваскарон маросими нонгазонӣ баргузор шуд.
АКС: Хадамоти матбуоти Раиси ноҳияи Ашт
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Амри Президенти Ҷумҳурии Тоҷикистон дар бораи баргузор кардани Озмуни ҷумҳуриявии «Илм-фурӯғи маърифат» дар соли 2025
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
