«Осорхонаи миллӣ»-и Тоҷикистон дар намоишгоҳи «Роҳҳои абрешим»-и Британия иштирок менамояд
ДУШАНБЕ, 14.10.2023. /АМИТ «Ховар»/. 13 октябри соли равон директори Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон Зафаршо Иброҳимзода ба таври маҷозӣ (онлайн) бо намояндаи Осорхонаи Британия Лук Ю-пинг мулоқот намуд, ки зимни он ҷонибҳо оид ба паҳлуҳои гуногуни раванди омодагӣ ва иштироки Муассисаи давлатии «Осорхонаи миллӣ» дар намоишгоҳи «Роҳҳои абрешим» мубодилаи афкор намуданд. Дар ин хусус ба АМИТ «Ховар» дар Осорхонаи миллӣ хабар доданд.
Бояд гуфт, ки Осорхонаи Британия намоишгоҳи бузургеро ба нақша гирифтааст, ки бо номи «Роҳҳои абрешим» дар Галереяи намоишгоҳҳои Сенсбери (G30) аз 26 сентябри соли 2024 то 23 феврали соли 2025 баргузор мегардад.
Директори Осорхонаи миллӣ нахуст аз таваҷҷӯҳи Осорхонаи Британия ҷиҳати иштироки Ҷумҳурии Тоҷикистон дар намоишгоҳи «Роҳҳои абрешим» изҳори сипос намуда, мулоқоти мазкурро дар самти тавсеаи ҳамкорӣ муҳим арзёбӣ намуд.
Мавсуф изҳор намуд, ки густариши ҳамкорӣ миёни осорхонаҳои ду давлат ба манфиати ҷонибҳо буда, ин нахустин намоишгоҳе мебошад, ки Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон бо даъвати Осорхонаи Британия иштирок хоҳад намуд.
Намояндаи Осорхонаи Британия Лук Ю-пинг дар навбати хеш аз таваҷҷуҳи хосаи ҷониби Муассисаи давлатии «Осорхонаи миллӣ» дар ин намоишгоҳи байналмилалӣ изҳори хушҳолӣ намуд.
Намояндаи Сафоратхонаи Ҷумҳурии Тоҷикистон дар Британияи Кабир Бахтиёр Муҳаммадҷонов, ки дар ин мулоқоти маҷозӣ иштирок намуд, дар навбати хеш изҳори умедворӣ кард, ки ин дидору суҳбатҳо натиҷаи мусбат ба бор оварда, ҷониби Тоҷикистон дар ин намоишгоҳ иштирок хоҳад намуд.
АКС: Муассисаи давлатии «Осорхонаи миллӣ»
Доир ба нақши Хонаи китоби Тоҷикистон дар ҳифзи таърих ва фарҳанги миллӣ ҳамоиш баргузор шуд
Маросими ифтитоҳи Рӯзҳои фарҳанги Ҷумҳурии Тоҷикистон дар Ҷумҳурии Исломии Покистон баргузор гардид
Рӯзҳои фарҳанги Ҷумҳурии Тоҷикистон дар Ҷумҳурии Исломии Покистон баргузор мегарданд
Паёми Президенти Тоҷикистон ба Маҷлиси Олӣ ба аҳли илм руҳияи тоза бахшид
«Куллиёт»-и осори Мирзо Турсунзода рӯнамоӣ гардид
Ба шаҳри Панҷакент Шаҳодатномаи Шаҳри байналмилалии ҳунармандӣ дода шуд
«ТУ ҚАЛБИ ТОҶИКИСТОНӢ, ДУШАНБЕ!» Дар пойтахт озмуни шаҳрӣ идома дорад
«ФАРҲАНГИ СУМАНАКПАЗӢ». Ин таоми миллӣ хусусияти табобатӣ низ дорад
Сокинони ноҳияи Ҷаббор Расулов соҳиби туҳфаи Пешвои миллат — «Шоҳнома»-и Абулқосим Фирдавсӣ мегарданд
«ДАР ҲУНАР КӮШ, КИ ЗАР ЧИЗЕ НЕСТ…». Фаъолияти Аспармо Мавлоназарова барои рушди ҳунарҳои миллӣ намунаи ибрати ҷавонон аст
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
