Пешвои миллат Эмомалӣ Раҳмон дар деҳаи Ҳанатароши ноҳияи Муъминобод бинои иловагии Муассисаи таҳсилоти миёнаи умумии №12-ро ифтитоҳ намуданд
ДУШАНБЕ, 21.10.2023. /АМИТ «Ховар»/. Дар идомаи сафари корӣ дар ноҳияи Муъминобод, дар деҳаи Ҳанатароши ноҳия Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бинои иловагии Муассисаи таҳсилоти миёнаи умумии №12- ро ба истифода доданд.
Бинои иловагии таълимӣ барои 1500 хонанда дар ду баст пешбинӣ гардида, аз 2 ошёна ва таҳхона иборат мебошад. Иншоот дорои 24 синфхона аст, ки дар онҳо барои илмомӯзии хонандагон шароити мусоид фароҳам оварда шудааст. Аз ҷумла, дар синфхонаҳо дар баробари дарсҳои амалӣ ҳамчунин бо истифода аз аёнияти таълимӣ ба хотири сайқал додани дониши хонандагон дарсҳои назариявӣ гузаронида мешавад. Хусусан ҷиҳати омӯзиши фанҳои дақиқ дар бинои нави таълимгоҳ синфхонаҳои алоҳидаи химия, биология, геометрия, физика ва ҷуғрофия ташкил гардидааст, ки дар амалия низ толибилмон таҷрибаву омӯзиш мегузаронанд.
Омӯзиши нозукиҳои кор бо компютер ва малакаи истифодаи таҷҳизоти муосир дар синфхонаи алоҳидаи таълимӣ, ки он бо хатти баландсуръати интернет пайваст мебошад, амалӣ гардидааст. Чунин имконот дар оянда ба сифати таълиму тарбия таъсири нек расонида, ба мустаҳкам гардонидани савияи дониши хонандагон мусоидат менамояд. Ҳамчунин азхудкунии забонҳои хориҷӣ, ки вориди барномаи таълимӣ мебошанд, дар синфхонаҳои алоҳидаи муҷаҳҳаз гузаронида мешавад. Дар ин баробар бинои мазкур дорои синфхонаҳои алоҳидаи таълими меҳнат барои духтарон ва писарон аст.
Роҳравҳои барҳаво ва саҳни дохили бинои иловагии таълимӣ мувофиқи талабот бо шиору навиштаҷот, аксу гуфтаҳои шоирону нависандагон ва қаҳрамонҳои миллӣ зебу оро дода шудааст. Барои таъмини ҳарорати муътадили дохили синфхонаҳо дар назди муассиса системаи алоҳидаи марказонидашудаи гармидиҳӣ бунёд ёфтааст.
Дар маҷмуъ, бинои иловагии Муассисаи таҳсилоти миёнаи умумии №12 дар масоҳати 1,8 гектар бунёд ёфта, намои берунаи он бо сабку услуби баланди меъморӣ зебу зинат дода шудааст. Саҳни таълимгоҳ пурра сафолакпӯш гардида, дар саҳни он гулҳои ороишии рангоранг шинонида шудаанд. Барои истироҳати омӯзгорону хонандагон дар саҳни бинои иловагии муассисаи таълимӣ нишасткадаҳои замонавӣ сохта шудаанд.
Сарвари давлат Эмомалӣ Раҳмон дар Минтақаи озоди иқтисодии Суғд марҳилаи дуюми ҶДММ «Сайри Суғд»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 4 иншоотро дар шаҳри Хуҷанд ва ноҳияи Кӯҳистони Мастчоҳ ифтитоҳ намуданд
Пешвои миллат Эмомалӣ Раҳмон дар шаҳри Хуҷанд бинои нави маъмурии Суди вилояти Суғдро ба истифода доданд
Сарвари давлат Эмомалӣ Раҳмон аз намоиши маҳсулоти кишоварзӣ ва дастовардҳои соҳаи аграрии ноҳияи Бобоҷон Ғафуров дидан намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров бинои нави маъмурии Маркази солимгардонии Соҳили Унҷиро ифтитоҳ намуданд
Пешвои миллат Эмомалӣ Раҳмон дар ноҳияи Бобоҷон Ғафуров 4 иншооти таъйиноти гуногунро ба таври фосилавӣ ба истифода доданд
Сарвари давлат Эмомалӣ Раҳмон дар ноҳияи Бобоҷон Ғафуров ба фаъолияти корхонаи истеҳсоли орд барои макарон дар назди ҶДММ «Ирода инвест» оғоз бахшиданд
Дар Душанбе Рӯзҳои фарҳанги шаҳрҳои Истаравшан, Норак ва ноҳияҳои Фархор, Носири Хусрав, Ёвон, Мастчоҳ ва Дӯстӣ доир мегарданд
НИШАСТИ МАТБУОТӢ. Бахшида ба ҷашни 35-солагии Истиқлоли давлатӣ беш аз 31 ҳазор иншоот ба истифода дода шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич хатти нави оби полезиро бо дарозии 12 километр мавриди истифода қарор доданд
Пешвои миллат Эмомалӣ Раҳмон дар ноҳияи Деваштич ба таври фосилавӣ 12 иншооти гуногунтаъйинотро ифтитоҳ намуданд
Сарвари давлат Эмомалӣ Раҳмон дар ноҳияи Деваштич бинои нави беморхонаи марказии №6-ро ба истифода доданд
