Соли 2024 Форуми 10-уми ҷаҳонии об дар Бали баргузор мешавад
ДУШАНБЕ, 17.10.2023 /АМИТ «Ховар»/. Дар ҳошияи Вохӯрии дуюми машваратии ҷонибҳои манфиатдори Форуми 10-уми ҷаҳонии об, ки дар Бали (Индонезия) баргузор шуд, мулоқоти Фиристодаи махсуси Президенти Ҷумҳурии Тоҷикистон дар Эътилофи пешвоёни об ва иқлим Султон Раҳимзода бо Вазири корҳои ҷамъиятӣ ва сохтмони манзили Индонезия Басуки Ҳадимулҷоно баргузор гардид. Дар ин хусус ба АМИТ «Ховар» дар котиботи Конфронси СММ оид ба захираҳои об дар Тоҷикистон хабар доданд.
Ҷонибҳо оид ба масъалаҳои ташкилии Форуми 10-уми ҷаҳонии об, ки аз 18 то 24 майи соли 2024 дар Бали баргузор мегардад, мубодилаи афкор намуданд.
Султон Раҳимзода аҳамияти пешбурди натиҷаҳои Конфронси СММ оид ба захираҳои обро дар соли 2023 дар доираи чорабиниҳои омодагӣ ва худи форум иброз дошта, зарурати идомаи талошҳои муштаракро дар ин самт таъкид намуд.
Қадамҳои минбаъда оид ба татбиқи рӯзномаи об ва дигар тадбирҳои мушаххас муҳокима гардиданд, то масъалаҳои об пайваста дар маркази рӯзномаи сиёсии ҷаҳонӣ қарор гиранд.
Табодули афкор дар бораи ҳамкории Тоҷикистон ва Индонезия дар ҳошияи СОР 28 (Конфронси чаҳорчӯбаи СММ) дар Дубай доир шуд, то ин ки нақши об дар рӯзномаи иқлимӣ, аз ҷумла дар ҳуҷҷатҳои ҷамъбастии СОР 28 (Конфронси чаҳорчӯбаи СММ) тақвият ёбад.
Лайло ТОИРӢ,
Азиза ИКРОМ,
АМИТ «Ховар»
АКС: котиботи тоҷикистонии Конфронси СММ оид ба захираҳои об
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
Дар Душанбе машваратҳои сиёсии вазоратҳои корҳои хориҷии Тоҷикистону Чин баргузор гардид
Ҳамкорӣ байни Тоҷикистон ва Кувайт дар соҳаҳои гуногун баррасӣ гардид
Дар Душанбе Конфронси байналмилалӣ дар мавзуи «Осиёи Марказӣ – меҳвари СҲШ: фазои сулҳ ва рушди муштарак» баргузор шуд
Иқтидори Тоҷикистон дар Форуми глобалии энергетикӣ дар шаҳри Вашингтон муаррифӣ гардид
Ҳайати Тоҷикистон дар чорабинии канорӣ оид ба ҳамкорӣ дар самти рушди иҷтимоӣ дар Осиёи Марказӣ иштирок намуд
Дурнамои ҳамкорӣ байни Тоҷикистон ва Туркманистон дар доираи ЮНЕСКО баррасӣ шуд
Фарҳангу таърихи Тоҷикистон дар Фестивали байналмилалии донишгоҳи ADA-и Озарбойҷон муаррифӣ гардид
Дар шаҳри Гроднои Беларус мероси фарҳангии халқи тоҷик муаррифӣ гардид
Сафири Тоҷикистон бо имкониятҳои иқтисодӣ, саноатӣ ва илмии музофоти федеролии Саарланди Олмон шинос шуд
Ҳамкории Тоҷикистон бо Иттиҳоди Аврупо баланд арзёбӣ гардид
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ. Расонаҳои байналмилалӣ онро ба таври васеъ инъикос менамоянд
