«ЗАН-САРВАР». Беш аз 100 донишҷӯдухтари фаъоли Донишгоҳи миллии Тоҷикистон ба машғулият ҷалб шуданд
ДУШАНБЕ, 27.10.2023. /АМИТ «Ховар»/. Бо ташаббуси раёсати Донишгоҳи миллии даври омӯзишии «Зан-сарвар» оғоз гардид, ки дар он беш аз 100 донишҷӯдухтари фаъоли донишгоҳ иштирок менамояд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
Дар машғулият муовини Раиси шаҳри Душанбе Дилбар Одилзода, сардорони бахши кор бо духтарон ва занони факултетҳо ва донишҷӯдухтарони фаъоли факултетҳои донишгоҳ иштирок намуданд.
Ҳадаф аз баргузории даври омӯзишии такмили ихтисос, пеш аз ҳама, амалӣ гардонидани сиёсати давлатӣ дар самти кор бо занон ва оила, омода намудани ҷавондухтарон ба зинаҳои роҳбарӣ дар соҳаи хизмати давлатӣ, фароҳам овардани заминаи мусоид барои ташаккули донишу касб ва маҳорату малака, тақвияти ҳисси масъулиятшиносӣ дар ниҳоди занону духтарони хизматчии давлатӣ ва пешбурди ғояҳои мухталифи инсондӯстию ватанпарастӣ, ҳифзу эҳтироми арзишҳои миллӣ, инчунин талқини баробарии гендерӣ ва мубодилаи таҷриба дар ин соҳа мебошад.
Тазаккур дода шуд, ки ҷалби ҳарчи бештари занону духтарон ба вазифаҳои роҳбарикунанда, инчунин беҳтар намудани шароити фаъолияти онҳо аз солҳои аввали соҳибистиқлолии мамлакат ҳамеша дар маркази таваҷҷуҳи Пешвои миллат муҳтарам Эмомалӣ Раҳмон ва Ҳукумати мамлакат қарор дорад. Аз ин рӯ, Ҳукумати Ҷумҳурии Тоҷикистон бо назардошти воқеияти сиёсӣ, иқтисодӣ ва хусусияти фарҳангиву суннатӣ шаклҳои муайяни беҳбуд бахшидани вазъи иҷтимоии занонро ба миён гузоштааст.
Гуфта шуд, ки бо мақсади дастгирии ҳамаҷонибаи занону духтарон дар мамлакат якчанд барномаи давлатӣ, стратегия ва консепсияҳо амалӣ мегарданд, ки дурнамои фаъолияти занон ва нақши онҳоро дар мақоми роҳбарӣ, таҳкими давлатдорӣ, солимии ҷомеа ва пойдориву устувории оила таъкид менамоянд.
Имрӯз занон дар баробари мардон ҳамчун кормандони муваффақ дар соҳаҳои дахлдори давлатию ҷамъиятӣ эътироф мешаванд. Онҳо нисбат ба мардон дар соҳаҳои муҳиме, чун тиб, маориф, кори иҷтимоӣ, бонк, фарҳанг, соҳаи хизматрасонӣ ва маълумот, инчунин нигоҳубини фарзандон ва пиронсолон бартарӣ доранд.
Сарварии занон яке аз масъалаҳое мебошад, ки дар ҳама давру замон аҳамияти хос дошта, диққати муҳаққиқону коршиносонро ҷалб намуда, ҳамчун ниҳоди иҷтимоию сиёсӣ дар таҳким ва рушди равандҳои ҷомеа мақом ва нақши махсус дорад.
АКС: Донишгоҳи миллии Тоҷикистон
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Маҷлиси Ҳукумати Ҷумҳурии Тоҷикистон баргузор гардид
ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
Дар Хатлон 37 хатмкунанда соҳиби аттестати аълои универсалӣ ва равиявӣ гардид
«МАКТАБИ ПЕШСАФ — МАКТАБИ ШАРИК». Дар муассисаҳои таълимии вилояти Хатлон таҳти чунин унвон низоми нав амалӣ карда мешавад
Осори Робиаи Балхӣ ба 10 забони хориҷӣ тарҷума карда шуд
Сарвари давлат Эмомалӣ Раҳмон дар ноҳияи Файзобод бинои нави муассисаи таҳсилоти миёнаи умумии №11-ро мавриди истифода қарор доданд
