Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
ДУШАНБЕ, 07.11.2023. /АМИТ «Ховар»/. Ҳайати Ҷумҳурии Тоҷикистон дар Намоишгоҳи байналмилалии сайёҳии WTM, ки аз 6 то 8 ноябр дар шаҳри Лондони Шоҳигарии Муттаҳидаи Британияи Кабир ва Ирландияи Шимолӣ баргузор мешавад, иштирок дорад. Дар ин хусус ба АМИТ «Ховар» дар Кумитаи рушди сайёҳӣ хабар доданд.
Ба ҳайат Раиси Кумитаи рушди сайёҳӣ, намояндаи Дастгоҳи иҷроияи Президенти Ҷумҳурии Тоҷикистон, ширкатҳои хизматрасони самти сайёҳӣ, намояндагони васоити ахбори омма, роҳбарони корхонаҳои истеҳсоли армуғонҳо, роҳбарон ва омӯзгорони донишгоҳҳои ватанӣ, ки мутахассисони соҳаи сайёҳиро омода менамоянд, шомил мебошанд.
Дар ҳошияи намоишгоҳ ҳайати эҷодии шабакаи телевизионии «BBC World News» дар бораи маводи видеоӣ, ки аз ҷониби ин шабакаи бонуфузи ҷаҳонӣ оид ба иқтидори сайёҳӣ ва тарғибу ташвиқи зарфиятҳои соҳаи сайёҳии Ҷумҳурии Тоҷикистон таҳия карда шудааст, ба ҳозирин тариқи рӯнамо маълумот пешниҳод намуда, онро барои истифода ба таври расмӣ ба намояндагони Тоҷикистон тақдим намуд.
Қобили тазаккур аст, ки ин маводи видеоӣ ҳамчун реклама оид ба иқтидори сайёҳии мамлакат тавассути шабакаи телевизионии «BBC World News» пахш мегардад ва дар ояндаи наздик тариқи шабакаи телевизионии «Euronews» низ пахш хоҳад шуд.
Дар доираи намоишгоҳ ширкатҳои сайёҳии ватанӣ барои тавсеаи ҳамкории мустақим бо дигар ширкатҳои сайёҳии хориҷӣ ёддоштҳои тафоҳум ба имзо мерасонанд.
Бояд гуфт, ки бо дастгирии ҳамешагии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати Ҷумҳурии Тоҷикистон намояндагони соҳаи сайёҳии мамлакат дар намоишгоҳҳои бонуфузи ҷаҳонӣ ҳамчун узви комилҳуқуқи Созмони ҷаҳонии сайёҳӣ (UNWTO) аз соли 2008 инҷониб дар чорабиниҳои байналмилалӣ иштирок намуда, захираҳои сайёҳии ҷумҳуриро дар арсаи байналмилалӣ таблиғ менамоянд.
АКС: Кумитаи рушди сайёҳӣ
Бахшида ба Рӯзи Қувваҳои Мусаллаҳ барои сарбозон саёҳат ба мавзеъҳои сайёҳии шаҳри Душанбе ташкил карда шуд
Дар Тоҷикистон ҳаҷми маблағи хизматрасонӣ барои нафақагирон сол то сол меафзояд
Дар Панҷакент вобаста ба истифодаи босамари замин ҷаласа баргузор шуд
Дар Душанбе ҳамкории Тоҷикистон ва Шоҳигарии Арабистони Саудӣ дар самти содирот баррасӣ шуд
Имконоти сайёҳии Тоҷикистон дар ҳамоиши байналмилалӣ дар Эрон муаррифӣ шуданд
Дар Душанбе масъалаи густариши ҳамкории иқтисодӣ ва тиҷоратӣ байни Тоҷикистон ва Эфиопия баррасӣ шуд
Дар Душанбе оид ба нақши сайёҳӣ дар рушди иқтисоди миллӣ ҳамоиши байналмилалӣ баргузор шуд
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Ширкати «Carpi» дар бунёди неругоҳҳои барқи обӣ дар дарёи Зарафшон иштирок менамояд
Ҳамкории Палатаи ҳисоби Тоҷикистон бо Ташкилоти байналмилалии рушди ИНТОСАЙ тақвият меёбад
Ҳамкории Тоҷикистон ва Эфиопия дар соҳаи авиатсия баррасӣ шуд
