БАХШИДА БА РӮЗИ ПАРЧАМИ ДАВЛАТӢ. Дар Донишгоҳи давлатии Хоруғ ҳамоиши илмӣ доир гардид

 ДУШАНБЕ, 23.11.2023 /АМИТ «Ховар»/.  22  ноябр дар Донишгоҳи давлатии Хоруғ ба номи Моёншо Назаршоев таҳти унвони «Парчамат бодо парафшон Тоҷикистон!» бахшида ба Рӯзи Парчами давлатии Ҷумҳурии Тоҷикистон ҳамоиши илмӣ баргузор гардид. Дар ин хусус АМИТ «Ховар» бо истинод ба ин донишгоҳ хабар медиҳад.

Дар ҳамоиш ректори донишгоҳ оид ба таърихи парчамдории халқи тоҷик, ки аз давраи қадим соҳиби давлату парчам буд, сухан гуфт.

Иброз гардид, ки дар давраи соҳибистиқлолии мамлакат бо заҳмату кӯшишҳои хастагинопазири Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Парчами нави давлатӣ қабул шуд.

Иштирокчиёни ҳамоиш аз ашъори шоирони муосири Бадахшон- устод Ширин Бунёд ва Хушомади Алидод шеърҳо бахшида ба Парчам қироат намуданд.

Инчунин  дар мавзуъҳои «Парчам- рамзи соҳибистиқлолӣ» ва «Парчами давлатӣ дар давраи соҳибистиқлолии Ҷумҳурии Тоҷикистон» маъруза пешниҳод гардид.

АКС: Донишгоҳи давлатии Хоруғ ба номи Моёншо Назаршоев