Бахшида ба Рӯзи Президент дар Донишгоҳи давлатии Кӯлоб ҳамоиши илмӣ-бадеӣ баргузор шуд

ДУШАНБЕ, 13.11.2023, /АМИТ «Ховар»/. 11 ноябр дар Донишгоҳи давлатии Кӯлоб ба номи Абуабдуллоҳи Рӯдакӣ бахшида ба Рӯзи Президенти Ҷумҳурии Тоҷикистон таҳти унвони «Нақши зан-модар дар рушди маориф ва илми ҷумҳурӣ» ҳамоиши илмӣ-бадеӣ баргузор гардид, хабар медиҳад мухбири минтақавии АМИТ «Ховар» Сулаймон Холзода.

Ҳамзамон дар ҳамоиш рӯнамоии китоби мураттабнамудаи Лолаи Мирзо бо номи «Вақте муҳаббат самимист… » баргузор шуд, ки дар он намояндагони илму адаб, чеҳраҳои саршиносу маҳбуб ва дигар дӯстдорони китобу шеър иштирок намуданд.

Китоби «Вақте муҳаббат самимист…» ба фаъолияти пурсамари педагогии омӯзгори содиқ ба касб, Аълочии маорифи Тоҷикистон, муаллими хизматнишондодаи Тоҷикистон, шодравон Соҷида Аккалаева бахшида шудааст.

АКС: Донишгоҳи далатии Кӯлоб ба номи Абуабдуллоҳи Рӯдакӣ