БАХШИДА БА РӮЗИ ТЕАТРИ ТОҶИК. Театри мусиқӣ-мазҳакавии ба номи Камоли Хуҷандӣ дар мавсими нав чанд намоишро пешкаши мухлисон мегардонад
ДУШАНБЕ, 01.11.2023 /АМИТ «Ховар»/. Аз 1 то 10 ноябр дар давраи таътили тирамоҳӣ дар Театри мусиқӣ-мазҳакавии ба номи Камоли Хуҷандии вилояти Суғд барои кӯдакон намоиши «Харгӯшаки ҷасур» намоиш дода мешавад. Дар ин хусус ба АМИТ «Ховар» саркоргардони театр Сӯҳроб Шехов иттилоъ дод.
Театри мусиқӣ-мазҳакавии Камоли Хуҷандӣ инчунин намоиши «Найрангҳои Майсара»-ро таҳия намудааст, ки нахустнамоиши он 24-25 ва 30-31 октябр бахшида ба мавсими нави театрӣ пешкаши мухлисон гардид.
Сӯҳроб Шехов гуфт, ки тирамоҳи имсол мавсими 90-уми ҳунарнамоии театрӣ маҳсуб мешавад ва ба ин муносибат «Найрангҳои Майсара» манзури тамошобинон гардонида шуд.
«Ин намоиш аз рӯи асари нависанда Ҳамза Ҳакимзода Ниёзӣ, ки соли 1942 навишта шудааст, таҳия гардида, таъқиб ва поймолшавии ҳуқуқи занонро инъикос менамояд. Дар он Майсара бо «найрангҳо»-и худ ба ҳамаи онҳое, ки ҳуқуқи занонро поймол карданӣ мешаванд, посухи обдор медиҳад», — гуфт саркоргардони театр.
Ёдовар мешавем, ки чанде қабл ҳунармандони театр бо намоиши «Табиби паррон» дар Ҷашнвораи 21-уми байналмилалии суннатии театрҳои миллӣ дар шаҳри Гургони Ҷумҳурии исломии Эрон иштирок намуда, соҳиби ҷоиза шуданд.
АКС аз манбаъҳои боз
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
