«БО ПЕШВОИ МИЛЛАТЕМ!». Имрӯз дар Душанбе ба ифтихори Рӯзи Президенти Тоҷикистон барномаи фарҳангӣ доир мешавад

ДУШАНБЕ, 15.11.2023. /АМИТ «Ховар»/. Имрӯз дар «Кохи Суруш»-и пойтахт бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар арафаи таҷлили Рӯзи Президент консерти идона баргузор мегардад, хабар доданд ба АМИТ «Ховар» дар бахши матбуоти Кумитаи кор бо ҷавонон ва варзиш.

Барномаи консертӣ бахшида ба Рӯзи Президенти Ҷумҳурии Тоҷикистон ва 31 — солагии Иҷлосияи таърихии XVI Шурои Олии Ҷумҳурии Тоҷикистон таҳти унвони «Бо Пешвои миллатем!» баргузор гашта, дар он ҳунармандони маъруфи мамлакат иштирок менамоянд.

Дар назар аст, ки дар барномаи фарҳангӣ намояндагони Дастгоҳи иҷроияи Президенти Ҷумҳурии Тоҷикистон, вакилони Маҷлиси намояндагони Маҷлиси Олӣ, роҳбарон ва намояндагони вазорату идораҳо, олимону муҳаққиқон, шоиру нависандагон, варзишгарон, ҷоизадорони мусобиқаҳои байналмилалӣ, гирандагони Стипендияи президентӣ ва ҷавонони касбу кори гуногун иштирок намоянд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон