Дар Академияи миллии илмҳои Тоҷикистон бахшида ба Рӯзи Конститутсия конференсияи ҷумҳуриявӣ доир гардид
ДУШАНБЕ, 03.11.2023 /АМИТ «Ховар»/. Имрӯз дар Академияи миллии илмҳои Тоҷикистон бахшида ба 29-солагии қабули Конститутсияи Ҷумҳурии Тоҷикистон дар мавзуи «Конститутсияи Ҷумҳурии Тоҷикистон ва рушди давлатдории миллӣ дар замони истиқлолият» конференсияи илмӣ-назариявии ҷумҳуриявӣ доир шуд, хабар медиҳад АМИТ «Ховар».
Дар конференсия дар мавзуъҳои «Моҳияти инсонпарваронаи Конститутсияи Ҷумҳурии Тоҷикистон», «Конститутсияи Ҷумҳурии Тоҷикистон-ҳуҷҷати сиёсӣ-ҳуқуқӣ», «Тағйроту иловаҳо ба Конститутсияи Ҷумҳурии Тоҷикистон ҳамчун заминаи таҳкими системаи сиёсӣ ва давлатдории миллӣ» маърузаҳо ироа гардиданд.
Иброз шуд, ки Конститутсияи Тоҷикистон истиқлоли давлати тоҷиконро ба расмият дароварда, асосҳои сиёсию ҳуқуқӣ ва самтҳои асосии таҳкиму пешрафти ояндаи онро мутобиқи меъёрҳои эътирофшудаи байналмилалӣ муайян сохт.
Бо ташаббуси Сарвари давлат муҳтарам Эмомалӣ Раҳмон қабули Конститутсия бо роҳи раъйпурсии умумихалқӣ баргузор шуда, бо боварии комил метавон гуфт, ки баргузории маъракаи раъйпурсӣ дар соли 1994 яке аз намунаҳои барҷастаи қаҳрамонӣ ва маҳорати баланди сиёсӣ доштани Пешвои миллат муҳтарам Эмомалӣ Раҳмон ба ҳисоб меравад.
Конститутсияи амалкунанда дар тафовут аз қонунҳои асосии пешинаи Тоҷикистон нахустин конститутсияе аст, ки бевосита аз ҷониби халқ бо роҳи раъйпурсии умумихалқӣ қабул гардидааст ва он дар таърихи давлатдории тоҷикон нахустин санади олии меъёрии ҳуқуқие мебошад, ки ҳамраъйии халқи тоҷикро ифода менамояд.
АКС: АМИТ «Ховар»
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
