Дар Душанбе бо вакилони Маҷлиси қонунгузории вилояти Свердловски Федератсияи Русия мулоқот доир гардид

Ноябрь 28, 2023 13:33

ДУШАНБЕ, 28.11.2023 /АМИТ «Ховар»/. Имрӯз муовини якуми Раиси Маҷлиси намояндагони Маҷлиси Олии Ҷумҳурии Тоҷикистон Маҳмадалӣ Ватанзода бо Раиси Мачлиси конунгузории вилояти Свердловски Федератсияи Русия  Людмила Бабушкина мулоқот намуд. Дар ин хусус АМИТ «Ховар» бо истинод ба Маҷлиси намояндагон хабар медиҳад.

Таъкид гардид, ки  мулоқоти имрӯза рӯйдоди таърихӣ, далели рушди босуръати муносибатҳои Тоҷикистон ва Русия ва таҳкими робитаҳои байнипарлумонӣ мебошад.

Ин мулоқот тасдиқи таваҷҷуҳи вакилони парлумони Русия ба таҳкими ҳамкорӣ бо Маҷлиси намояндагони Маҷлиси Олии Ҷумҳурии Тоҷикистон ба шумор меравад. Муносибатҳои Тоҷикистон ва Русия бо сатҳи баланди эътимоди мутақобила ва дӯстии самимӣ фарқ менамоянд.  Дар сатҳи Сарони давлатҳои Ҷумҳурии Тоҷикистон ва Федератсияи Русия муколамаи мунтазам ва созанда амалӣ гардидааст, ки дар амиқтар шудани муносибатҳои дуҷониба саҳм мегузорад. Сарони ду давлат дар таҳкими равобити шарикӣ ва иттифоқӣ, таъмиқ ва густариши равобити дуҷониба тобиши вижа бахшида, ба ҳамкории дуҷониба мақоми хоссаи шарикии стратегӣ додаанд.

Гуфта шуд, ки бо назардошти аҳамияти таҳкими равобити дуҷониба ва муайян намудани самтҳои нави ояндадори ҳамкорӣ бо Федератсияи Русия, ки шарики стратегии мо аст, Парлумони мамлакат, бахусус Маҷлиси намояндагон минбаъд низ ҷиҳати таҳкими заминаи ҳуқуқӣ тадбирҳои мушаххас ва пайваста меандешад.

«Дар байни парламентҳои мо гурӯҳҳои дӯстию ҳамкорӣ амал менамоянд. Давоми се соли даъвати ҳозира вакилони мо аллакай якчанд маротиба ба Федератсияи Русия ва вакилони Думаи давлатӣ ба мамлакати мо сафар намудаанд»,- гуфт дар фарҷоми мулоқот Маҳмадалӣ Ватанзода.

Дар ҷараёни суҳбат инчунин дигар масъалаҳои мавриди таваҷҷуҳи ҷонибҳо муҳокима гардиданд.

АКС: Маҷлиси намояндагони Маҷлиси Олии Ҷумҳурии Тоҷикистон

Ноябрь 28, 2023 13:33

Хабарҳои дигари ин бахш

«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Дар Анталия раванди густариши муносибатҳои дуҷонибаи Тоҷикистон ва Туркия мавриди баррасӣ қарор гирифт
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд
Президенти Ҷумҳурии Тоҷикистон Эмомалӣ Раҳмон ба якчанд қонун имзо гузоштанд
«ТОҶИКОНА МЕПӮШЕМ!». Аввалин шинохти таъриху фарҳанги ҳар миллат аз либоси миллӣ ибтидо мегирад