Донишгоҳи миллии Тоҷикистон ҳамкориро барои беҳтар намудани барномаҳо бо Донишгоҳи омӯзгории Синзяни Чин густариш медиҳад
ДУШАНБЕ, 01.11.2023. /АМИТ «Ховар»/. Ректори Донишгоҳи миллии Тоҷикистон, профессор Қобилҷон Хушвахтзода бо ректори Донишгоҳи омӯзгории Синзяни Ҷумҳурии Мардумии Чин Вуман Ҷон Айлӣ мулоқот намуд. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
Дар мулоқот ҷонибҳо доир ба рушди муносибатҳои дуҷониба изҳори қаноатмандӣ намуданд. Мусоҳибон дар самти рушди ҳамкории гуногунҷанбаи донишгоҳҳо, аз ҷумла самти ҳамкории илмию таълимӣ суханронӣ намуда, ҷиҳати ба роҳ мондани муносибатҳо дар робита ба табодули устодону донишҷӯён мубодилаи афкор намуданд.
Ҷонибҳо мақсади вохӯриро густариш додани ҳамкории минбаъдаи Донишгоҳи миллии Тоҷикистон ва Донишгоҳи омӯзгории Синзяни Ҷумҳурии Мардумии Чин баён намуда, ҳамзамон ҷиҳати омӯзиши забони чинӣ, ташкил намудани даврҳои забономӯзӣ ва ҳамоишҳои байналмилалӣ, инчунин дар робита ба беҳтар намудани барномаҳои муштарак андешаронӣ намуданд.
Баъд аз вохӯрӣ меҳмонон бо роҳбарии ректори донишгоҳ бо Осорхонаи Пешвои миллат, ки дар бинои факултетҳои иқтисодии донишгоҳ ҷойгир аст, шинос шуданд. Ректори Донишгоҳи омӯзгории Синзяни Ҷумҳурии Мардумии Чин Вуманҷон Айлӣ таассуроти хешро аз донишгоҳ дар дафтари хотироти Осорхона муассир навишта, истиқболи самимонаи роҳбарияти донишгоҳ ва тамошои маънавии Осорхонаи Пешвои миллатро барояш чун як рӯзи таърихӣ маънидод намуд.
Ҳамзамон меҳмонон вориди бинои навсохти Донишкадаи таълимию фарҳангии Конфутсийи назди Донишгоҳи миллии Тоҷикистон гардиданд. Меҳмонон бо Осорхонаи донишкада (таърихи фаъолияти донишкада), Синфхонаи фарҳангӣ (муаррифии фарҳанги Ҷумҳурии Мардумии Чин ва Ҷумҳурии Тоҷикистон), Китобхона (китобҳо бо забонҳои тоҷикӣ ва чинӣ), Синфхонаи лингофонӣ ва маҷлисгоҳи донишкада шинос шуданд.
АКС: Донишгоҳи миллии Тоҷикистон
Дар Донишгоҳи давлатии омӯзгории Тоҷикистон ҷашни Наврӯз таҷлил гардид
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
