Хонандагони деҳаи Дараи Боҳтури ноҳияи Балҷувон соҳиби мактаби нав шуданд
ДУШАНБЕ, 13.11.2023 /АМИТ «Ховар»/. Дар деҳаи Дараи Боҳтури Ҷамоати деҳоти Сафар Амиршоеви ноҳияи Балҷувон бахшида ба ҷашни 35-солагии Истиқлоли давлатии Ҷумҳурии Тоҷикистон муассисаи таҳсилоти миёнаи умумии рақами 20 ба истифода дода шуд, ки зимни ифтитоҳи он Раиси вилояти Хатлон Давлаталӣ Саид иштирок намуд, хабар медиҳад АМИТ «Ховар» бо истинод ба Мақомоти иҷроияи ҳокимияти вилояти Хатлон.
Бояд гуфт, ки то ин муддат хонандагони деҳаи Дараи Боҳтур бинобар надоштани муассисаи таълимӣ таҳсилро дур аз деҳа, дар масофаи то 3 километр дар муассисаи таълимии деҳаи ҳамсоя мегузарониданд.
Раиси вилоят муассисаи таҳсилоти миёнаи умумии 20-ро дар деҳаи Дараи Боҳтури Ҷамоати деҳоти Сафар Амиршоеви ноҳияи Балҷувон мавриди истифода қарор дода, бо синфхонаҳои муассисаи таълимӣ шинос шуд.
Давлаталӣ Саид оид ба ҷараёни омӯзиши фанҳои тадрисшаванада бо омӯзгорон ва хонандагон суҳбат намуда, аз сиёсати пешгирифтаи Ҳукумати мамлакат ва бахусус Сарвари давлат муҳтарам Эмомалӣ Раҳмон ёдовар гардида, хонандагонро ба азхудкунии илмҳои замонавӣ даъват намуд.
Бинои муассисаи таълимӣ аз 1 ошёна, 8 синфхона, 1 утоқи омӯзгорон ва утоқи директори мактаб иборат буда, дар саҳни он буғхона ва дигар иншооти ёрирасон бунёд шудааст.
Ҳамзамон дар ҷараёни корҳои сохтмонӣ 20 нафар сокинони маҳаллӣ ба кор ҷалб гардиданд.
АКС: Мақомоти иҷроияи ҳокимияти вилояти Хатлон
Сарвари давлат Эмомалӣ Раҳмон бинои нави Беморхонаи марказии ноҳияи Мастчоҳро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Мастчоҳ 3 иншооти истеҳсолиро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Мастчоҳ муассисаи таҳсилоти миёнаи умумии рақами 14-ро ба истифода доданд
Пешвои миллат Эмомалӣ Раҳмон дар ноҳияи Мастчоҳ бинои муассисаи таҳсилоти миёнаи умумии №46-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар ноҳияи Мастчоҳ корхонаи истеҳсоли хишти сохтмонии Ҷаъфар-2014-ро ифтитоҳ намуданд
Сарвари давлат Эмомалӣ Раҳмон дар ноҳияи Мастчоҳ биноҳои нави муассисаҳои таҳсилоти томактабиро ба таври фосилавӣ ифтитоҳ намуданд
Пешвои миллат Эмомалӣ Раҳмон дар ноҳияи Мастчоҳ Муассисаи таҳсилоти томактабии Суғдиёнро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар Суғд беш аз 13 ҳазору 300 иншоот ва биноҳои нав ба истифода дода шуданд
Фаррух Каримзода дар Олимпиадаи кушоди математикии донишҷӯёни мактабҳои олии ҷаҳон соҳиби медали тилло гардид
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд мулоқот намуданд
«ЗАБОНИ МО – ҶАҲОНИ МО». Дар Тоҷикистон Анҷумани сеюми забоншиносон баргузор мегардад
35-СОЛАГИИ ИСТИҚЛОЛИ ДАВЛАТӢ. Дар ноҳияи Фирдавсӣ 10 муассисаи томактабӣ бунёд мегардад
