Конститутсияи Тоҷикистон ба саодати як насл — ҳам дар тифлӣ ва ҳам дар пирӣ нигаронида шудааст

Ноябрь 1, 2023 16:29

ДУШАНБЕ, 01.11.2023. /АМИТ «Ховар»/. Дар моддаи 34-и Конститутсияи Ҷумҳурии Тоҷикистон дарҷ шудааст, ки «падару модар барои тарбияи фарзандон ва фарзандони болиғу қобили меҳнат барои нигоҳубин ва таъмини падару модар масъул мебошанд». Чунин иброз шуд дар конференсияи амалӣ-назариявие, ки имрӯз бо ташаббуси Кумитаи кор бо ҷавонон ва варзиш таҳти унвони «Конститутсия — иродаи мо, ҷавонон дар роҳи давлатдории миллӣ» дар Китобхонаи миллии Тоҷикистон доир гардид, иттилоъ медиҳад АМИТ «Ховар».

Тазаккур дода шуд, ки чунин меъёри конститутсионӣ дар замоне, ки фарҳангу эҳтиром нисбат ба калонсолон аз байн меравад, муҳим буда, ба саодати як насл- ҳам дар айёми тифлӣ ва ҳам дар овони пирӣ нигаронида шудааст.

Тамоми меъёрҳое, ки дар Конститутсияи Ҷумҳурии Тоҷикистон дарҷ шудаанд, башариятро ба роҳи сулҳу дӯстӣ, ҳамбастагию рафоқат даъват менамоянд.

Тазаккур дода шуд, ки Конститутсия роҳи рушди ояндаи давлати соҳибистиқлолро муайян намуда, заминаҳои асосии сохтори давлатӣ ва низоми сиёсиро фароҳам овард ва барои бунёди ҷомеаи воқеан шаҳрвандӣ, таҳкими минбаъдаи дастовардҳои истиқлолият, пешрафти устувори иқтисодиву иҷтимоӣ, татбиқи ҳадафҳои тақдирсози стратегӣ ва нақшаву лоиҳаҳои созанда ва дар натиҷаи ин ҳама болоравии нуфузу эътибори Тоҷикистон дар арсаи байналмилалӣ пойдевори боэътимод гузошт.

Ин санади олӣ ҳуқуқҳои сиёсии ҷавононро мукаммал сохта, роҳи иштироки онҳоро дар пешбурди низоми давлатдорӣ фарох намуд. Ҳамзамон заминаи қонунӣ фароҳам овард, ки ҷавонон сохторҳои гуногуни давлатиро, новобаста аз синнашон роҳбарӣ намоянд ва барои бунёди давлати тараққикардаи миллӣ саҳми арзанда гузоранд. Аз ин рӯ ҷавонон бояд кӯшанд, ки онро чун рукни муқаддаси миллӣ ва дастури зиндагӣ эҳтиром ва ҳамеша аз рӯи муқаррароти он амал намоянд.

Ҷавонон бояд ба қадри ин дастгириҳо бирасанд ва барои ободиву шукуфоии боз ҳам бештари давлати миллии хеш бо истифода аз чунин имконият талош варзида, дар амалигардии ҳадафҳои бузургу стратегии Ҳукумати мамлакат саҳми муносиб гузоранд.

Дар ҳамоиш намояндагони Дастгоҳи иҷроияи Президенти Ҷумҳурии Тоҷикистон, роҳбарони вазорату идораҳои дахлдор, ташкилоту муассисаҳо, роҳбарияти муассисаҳои таҳсилоти олии касбӣ, дорандагони Ҷоизаи ба номи Исмоили Сомонӣ, гирандагони Стипендияи президентӣ, олимону муҳаққиқони ҷавон, варзишгарони муваффақ, волонтёрон ва ҷавонони фаъоли мамлакат, дар маҷмуъ 400 нафар иштирок намуданд.

Зарангези ЛАТИФ,
АМИТ «Ховар»

АКС: АМИТ «Ховар»

Ноябрь 1, 2023 16:29

Хабарҳои дигари ин бахш

Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд
Барои пешгирии бемориҳои зоонозӣ ҷаласа доир карда шуд