Меҳринисо Тухтабоева: «Ифтихормандам, ки 6 писарам дар сафи Қувваҳои Мусаллаҳи Ҷумҳурии Тоҷикистон хизмат менамоянд»

Ноябрь 26, 2023 11:34

ФАРХОР, 26.11.2023. /АМИТ «Ховар»/. Сардори Раёсати кор бо занон ва оилаи вилояти Хатлон дар ноҳияи Фархор бо модароне, ки фарзандонашон дар сафи Қувваҳои Мусаллаҳи Ҷумҳурии Тоҷикистон шарафмандона хизмат менамоянд, суҳбат намуд, иттилоъ медиҳад мухбири  минтақавии АМИТ «Ховар».

Дар вохӯрӣ ба сокини деҳаи Сурхоби  Ҷамоати деҳоти Хутани ноҳияи Фархор  Меҳринисо Тухтабоева барои тарбияи хуб ва ҳидояти фарзандон ба хизмати Модар- Ватан таҳсину офарин хонда, ин амали ҷавонмардонаи фарзандони ўро намунаи ибрату шоистаи пайравӣ  арзёбӣ намуданд.

Ин модар соҳиби 7 писар буда, 6 нафари онҳо   хизмати ҳарбиро адо намуда, дар ҳифзи марзу буми Ватан саҳми худро мегузоранд.

Меринисо Тухтабоева ифтихормандона изҳор намуд, ки фарзанди ҳафтумаш низ тасмим гирифтааст, ки ихтиёран ба сафи Артиши миллӣ шомил шуда, мисли бародаронаш қарзи фарзандии худро ба ҷо оварад.

Ба даст гирифтани ин ташаббусҳои ватандўстона  боис гардидааст, ки ноҳияи Фархор чанд соли охир дар самти иҷрои нақшаи муайяншудаи ҷалби  ҷавонон ба сафи Қувваҳои Мусаллаҳи Ҷумҳурии Тоҷикистон дар миқёси вилоят пешсаф мегардад.

Дар ҳамоиши тарғиботӣ модарони шарафманди ноҳия барои саҳми арзанда дар тарбияи фарзандони ватандӯст бо “Сипоснома”-и Раёсати кор бо занон ва оилаи вилояти Хатлон қадршиносӣ гардиданд.

Дар вохўрӣ ҳамзамон дигар масъалаҳои самти кор бо занон ва оила баррасӣ гардид.

АКС: Шуъбаи иттилоотию таҳлилии дастгоҳи раиси вилояти Хатлон

Ноябрь 26, 2023 11:34

Хабарҳои дигари ин бахш

Дар Парлумони Тоҷикистон бо ҳайати Ҳизби Коммунистии Чин мулоқот баргузор шуд
Ба Пешвои миллат Эмомалӣ Раҳмон аз ҷониби Раиси шаҳри Душанбе Рустами Эмомалӣ лоиҳаҳои навсозии минбаъдаи пойтахт муаррифӣ гардиданд
Дар Минск вохӯрии раисони комиссияҳои марказии интихоботи Тоҷикистон ва Беларус доир шуд
Маҳмадтоир Зокирзода бо муовини Раиси Маҷлиси Шурои Давлати Қатар Ҳамда бинт Ҳассан Ал-Сулайти мулоқот намуд
Ҳамкории Кумитаи таҳсилоти ибтидоӣ ва миёнаи касбии Тоҷикистон ва Донишгоҳи давлатии Пензаи Русия густариш меёбад
Дар муассисаи фарҳангии Созмони ҳамкории иқтисодии Теҳрон «Шаби мусиқии суннатии Тоҷикистон» баргузор шуд
ҶОМИ ҶАҲОН-2026. Дастаи мунтахаби Тоҷикистон оид ба футбол дар Қатар бозиҳои тамринӣ мегузаронад
Ҳангоми истифодаи хабару маводи сомона истинод ба www.khovar.tj ҳатмӣ аст!
Дар Бохтар як зумра сарбозону афсарони қисмҳои низомӣ бо туҳфаҳои хотиравӣ сарфароз гардонида шуданд
Дар Душанбе ҷаласаи нахустини Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар Академияи миллии илмҳои Тоҷикистон бахшида ба Рӯзи таъсиси Қувваҳои Мусаллаҳ ҳамоиши тантанавӣ доир шуд
Президенти Тоҷикистон: «Зиндагии орому осудаи мардуми мо ба қимати ҷони ҳазорон нафар ҷавонмардони ватандӯсту ҷоннисор ва бонангу номуси халқи тоҷик ба даст омадааст»