Намояндаи Тоҷикистон дар ҷаласаи Шурои роҳбарикунандаи Барномаи махсуси СММ барои иқтисодиёти Осиёи Марказӣ иштирок намуд
ДУШАНБЕ, 24.11.2023 /АМИТ «Ховар»/. 23 ноябр дар шаҳри Бокуи Ҷумҳурии Озарбойҷон ҷаласаи 18-уми Шурои роҳбарикунандаи Барномаи махсуси Созмони Милали Муттаҳид (СММ) барои иқтисодиёти Осиёи Марказӣ (СПЕКА) баргузор гардид, ки дар он Вазири рушди иқтисод ва савдои Ҷумҳурии Тоҷикистон Завқӣ Завқизода сухан гуфт. Дар ин хусус ба АМИТ «Ховар» дар Вазорати рушди иқтисод ва савдои ҷумҳурӣ хабар доданд.
Завқӣ Завқизода изҳор дошт, ки Тоҷикистон таҳти сиёсати хирадмандона ва дурандешонаи Президенти Ҷумҳурии Тоҷикистон муҳтарам Эмомалӣ Раҳмон ба таҳкими ҳамкории иқтисодӣ дар доираи СПЕКА таваҷҷуҳи махсус зоҳир менамояд.
Роҳбари ҳайати Тоҷикистон дар асоси ҳуҷҷатҳои стратегӣ ба Шурои роҳбарикунандаи СПЕКА пешниҳод намуд, ки ба самтҳои афзалиятноки фаъолияти зерин дар солҳои минбаъда, аз ҷумла содагардонии расмиёти савдо ва рафъи монеаҳои сунъӣ дар савдо, рушди долонҳои мултимодалии нақлиётӣ ва иқтисодӣ, рушди иқтисоди «сабз» ва рақамикунонӣ таваҷҷуҳи аввалиндараҷа дода шавад.
Дар доираи ҷаласа масъалаҳои таъсиси фонди мақсадноки СПЕКА, доираи пешбурди фаъолияти СПЕКА, Саммити СПЕКА, Харитаи роҳ оид ба рақамикунонии мубодилаи мултимодалии маълумот ва ҳуҷҷатҳо дар гузаргоҳи миёнаи нақлиётии фарохазарӣ бо истифода аз воситаҳои ҳуқуқӣ ва стандартҳои СММ ва интихоби давлати навбатии раисикунандаи СПЕКА баррасӣ шуданд.
Бояд иброз намуд, ки шаш соли охир Ҷумҳурии Тоҷикистон ва Ҷумҳурии Озарбойҷон таъсиси фонди мақсадноки СПЕКА-ро пешниҳод менамуданд ва имрӯз аллакай ин масъала ҳалли худро ёфт.
Дар охири чорабинӣ Шурои роҳбарикунанда ҳамчун мақоми олии СПЕКА дар бораи таҳкими минбаъдаи ҳамкорӣ қарорҳои дахлдор қабул намуд.
СПЕКА соли 1998 таъсис ёфта, Тоҷикистон, Озарбойҷон, Қазоқистон, Қирғизистон, Узбекистон, Туркманистон ва Афғонистон давлатҳои иштирокчии он мебошанд.
АКС: Вазорати рушди иқтисод ва савдои Ҷумҳурии Тоҷикистон








Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд
Фонди иқлими сабз барои рушди соҳаи тандурустии Тоҷикистон 2 миллион доллар ҷудо менамояд
Лоиҳаи «Барномаи нави саноатикунонии босуръати Тоҷикистон барои солҳои 2026-2030» таҳия гардидааст
Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд






